पुणे, ता. २९ – डेक्कन एज्युकेशन सोसायटीच्या ‘अहिल्यादेवी हायस्कूल फॉर गर्ल्स’च्या पर्यवेक्षिका स्मिता श्रीधर करंदीकर यांना केंद्र सरकारचा उत्कृष्ट शिक्षक राष्ट्रीय पुरस्कार जाहीर झाला आहे. रजत पदक आणि पन्नास हजार रुपये असे पुरस्काराचे स्वरूप आहे.
राष्ट्रपती रामनाथ कोविंद यांच्या हस्ते शिक्षक दिनी (५ सप्टेंबर) नवी दिल्लीतील विज्ञान भवन येथे पुरस्कार वितरण समारंभ होणार आहे. मानव संसाधन विकास मंत्रालयाने ही माहिती कळविली आहे.
श्रीमती करंदीकर यांचा अध्यापनाचा विषय भूगोल आहे. सुरुवातीच्या काळात ङ्गर्ग्युसन, स. प. महाविद्यालय, एसएनडीटी, नौरोजी वाडिया या महाविद्यालयात त्यांनी प्राध्यापक म्हणून काम केले. गेली २६ वर्षे त्या अहिल्यादेवी शाळेत सहायक शिक्षिका म्हणून कार्यरत आहेत. या वर्षीपासून पर्यवेक्षिका म्हणून त्यांच्यावर जबाबदारी आहे.
एसएससी बोर्डाच्या भूगोल अभ्यास मंडळाच्या त्या सहनिमंत्रक आहेत. भूगोल प्रज्ञा शोध परीक्षेसाठी त्यांचे महत्वाचे योगदान आहे. ‘महाराष्ट्र टॅलेंट सर्च’साठी विद्यार्थी व शिक्षकांना मार्गदर्शन केले आहे. आकाशवाणी व दूरदर्शनवरील कार्यक्रम, वर्तमानपत्रे व मासिकांमधील लिखाण आणि सीडींची निर्मिती केली आहे.
आदीवासी पाडे व आश्रमशाळेतील विद्यार्थ्यांसाठी श्रीमती करंदीकर नियमितपणे मोङ्गत मार्गदर्शन करीत असतात. दहावीच्या विद्यार्थ्यांना मार्गदर्शनपर व्या‘यानमालेत मार्गदर्शन केले आहे.
शाळेमध्ये जपान अभ्यास प्रकल्पाचे त्या सहा वर्षे काम करीत आहेत. जपानी संस्कृतीची माहिती व्हावी यासाठी जपानी भाषेची ओळख, प्रदर्शने, ओरिगामी, इके बाना आदी उपक्रम राबविले जातात. डेक्कन एज्युकेशन सोसायटीच्या नियामक मंडळ व परिषदेचे अध्यक्ष डॉ. शरद कुंटे, उपाध्यक्ष विकास काकतकर, कार्यवाह प्रा. आनंद भिडे यांनी त्यांचे अभिनंदन केले आहे.
