पुणे-महिला दिनाचे औचित्य साधून आज पीएमपीएमएल तर्फे खास महिलांसाठी ३० ‘तेजस्विनी’ बसेसचे लोकार्पण पी एम पी एम एल चे संचालक नगरसेवक सिद्धार्थ शिरोळे ह्यांच्या हस्ते करण्यात आले. ह्या प्रसंगी बोलताना शिरोळे म्हणाले,” पुणे शहरातील महिला भगिनींचा प्रवास सुखकर होण्यासाठी या ‘तेजस्विनी’ बसेसचा लाभ होणार आहे. स्त्री सशक्तीकरण करण्यासाठी एक चांगला प्रयत्न पीएमपीएमएल मार्फत केलेला आहे”. तसेच ह्या बस सेवेचा लाभ शहरातील महिला भगिनींनी जास्तीत जास्त घ्यावा अशी विनंती देण्खील ह्या प्रसंगी बोलताना शिरोळे ह्यांनी केली. त्याचप्रमाणे येत्या वर्षभरात ५०० इलेक्ट्रीक बसेस, ८०० साध्या बसेस व २०० मिडी बसेस पुणे शहरातील रस्त्यांवरती नक्कीच धावतील व त्याद्वारे पुणेकरांची सार्वजनिक वाहतूक व्यवस्था या बसेसमुळे निश्चितच सक्षम होईल असेही शिरोळे ह्या प्रसंगी बोलताना म्हणाले.
महिलादिन निमित्त – “अवघे पाऊणशे वयोमान”
महिला दिनानिमित्त मॉडेल कॉलनी येथील चित्तरंजन वाटिकेमध्ये ७५ आयु च्या वरती ज्या महिला आहेत अशा महिलांसाठी नगरसेवक सिद्धार्थ शिरोळे ह्यांच्या वतीने “अवघे पाऊणशे वयोमान” हा कार्यक्रम आयोजित केला होता. या कार्यक्रमामध्ये एका दीर्घ आयुष्याचे अनुभव याचा उपयोग तरुण पिढीला कसा होऊ शकतो याच्यावरती मनमोकळेपनाणे चर्चा झाली. ह्या प्रसंगी बोलताना नगरसेवक सिद्धार्थ शिरोळे म्हणाले,’ आयुष्यात सगळेच अनुभव आपल्याला घ्यायची गरज नसते, दुसऱ्यांच्या अनुभवाचा सार समजा आपण ओळखला तर आपल्या आयुष्याचे निर्णय घेताना आपणास चांगली दिशा मिळते”. मा. पंतप्रधान नरेंद्रजी मोदी यांच्या प्रेरणेतून हा कार्यक्रम घेण्यात आल्याचे सिद्धार्थ शिरोळे ह्यांनी ह्या प्रसंगी बोलताना नमूद केले.