नवी दिल्ली,: संयुक्त राष्ट्र संघाच्यावतीने न्युयॉर्क येथे आयोजित राष्ट्रकुल युवक विधानसभेच्या चर्चा सत्रात
पुण्याचा सौरभ नावंदे याने "शाश्वत विकास आणि २०३० मधील जागतिक बदल” या विषयावर आपले
विचार मांडले.
नुकतेच न्युयॉर्क येथे संयुक्त राष्ट्र संघाच्यावतीने निरंतर विकासाच्या उद्दीष्टयांविषयी राष्ट्रकुल युवक
विधानसेभेच्या सत्रांचे आयोजन आयोजित करण्यात आले होते. या सत्रात सौरभ नवांदे ने आपले विचार व्यक्त
केले. यावेळी 140 देशांमधील निवडक युवकांनी विविध विषयांवर आपली मते मांडली. या आयोजनाचा
उद्देश हा एक स्थायी व टिकाऊ जगासाठी नवीन संशोधन आणि सहयोग याची पुनारावृती करण्याचे उद्दिष्ट
होते. तीन दिवसीय विधानसभा संसदेमध्ये सखोल ज्ञान असलेले संयुक्त राष्ट्र संघाचे अधिकारी, राजदूत आणि
प्रतिनिधी यांनी सहभाग नोंदविला.
संयुक्त् राष्ट्र संघाच्या युवक प्रतिनिधींपैकी सौरभची निवड ही संयुक्त राष्ट्र संघाच्या लोक माहिती
विभागातर्फे करण्यात आली. त्यामुळे जागतिक मंचावरून परखडपणे विचार मांडण्याची संधी सौरभला
मिळाली. सौरभने “शाश्वत विकास आणि 2030 मधील जागतिक बदल” विषयांवर आपले मत मांडात या
जागतिक मंचावरून सौरभ म्हणाला, "आम्ही पहिली पिढी आहे जी गरीबी नष्ट करू शकते आणि शेवटचे
म्हणजे हवामानातील बदल टाळू शकतो म्हणून, आम्ही तरुण पिढीला एकत्र आणणे आणि नवाचार, नागरी
सहभाग आणि सहयोगी भागीदारीतून उदिष्ट हाताळण्याचे काम करणे आवश्यक आहे’.
‘युवन फाऊंडेशन’ या संस्थेच्या माध्यमातून सामाजिक विकास या प्रकल्पावर सौरभ काम करत आहे.
‘मला या संसदेत सहभाग होण्याची संधी मिळाली ही माझासाठी खूप अभिमानाची बाबा आहे, यापुढे मी,
चांगले काम करण्यास बांधील राहील ‘, अशी प्रतिक्रिया सौरभ ने दिली.
या दरम्यान त्यांना जागतिक बँकेच्या सेमिनार, इंटरनॅशनल मॉनेटरी फंड, संयुक्त राष्ट्रसंघातील
ऑस्ट्रियाचे कायमस्वरुपी मिशन, संयुक्त राष्ट्रसंघामधील कायमस्वरुपी मिशन आणि स्लोव्हाकचे कायमस्वरुपी
मिशन कार्यक्रमांचे सादरीकरण दाखविण्यात आले. येथे सौरभला उद्देश असलेल्या प्रकल्पांचा प्रस्ताव
मांडण्याची संधी मिळाली.
स्थानिक आणि जागतिक समस्या सोडविण्यासाठी संयुक्त राष्ट्रात भारताच्या स्थायी मिशनच्या
कार्यालयाही सौरभ ने भेट दिली.