पुणे – देशातील राहण्याजोगे सर्वोत्तम शहर असे नावलौकीक ही पुण्यनगरीने मिळविले आहे यात प्रामाणिकपणे काम करणाऱ्या मनपा च्या अधिकारी,कर्मचारी व कामगारांचा मोलाचा वाटा आहे असे महापौर मुक्ता टिळक यांनी येथे सांगितले. .
क्रिएटिव्ह फौंडेशन ने खचलेला डी पी रस्ता व ड्रेनेज चेंबर दुरुस्त करणाऱ्या कर्मचाऱ्यांचा सत्कार समारंभ आयोजित केला होता त्याप्रसंगी त्या बोलत होत्या.यावेळी स्थानिक नगरसेविका मंजुश्री खर्डेकर,क्रिएटिव्ह फौंडेशन चे अध्यक्ष संदीप खर्डेकर,विश्वस्त सतीश कोंडाळकर उपस्थित होते. “श्री खर्डेकर म्हणाल्याप्रमाणे संपूर्ण शहरातील वाहिन्यांचे मॅपिंग होणे गरजेचे असून ते काम सुरु आहे व लवकरच सर्व नकाशे उपलब्ध होतील आणि भावी काळात अश्या Crisis च्या वेळी त्याचा मोठा उपयोग होइल असे ही महापौर म्हणाल्या.मी माझ्या प्रभागात होणाऱ्या सर्व कामांचे नकाशे माझ्याकडे ठेवत असते त्याचे अनुकरण सर्वांनी करावे असे सांगतानाच ” नगरसेवक आपल्या भागातील कामे झाल्यावर त्याचे फोटो अहवालात टाकतात आणि ते टाकले ही पाहिजे पण सौ मंजुश्री आणि संदीप खर्डेकर यांनी ज्यांनी काम केले त्यांच्या कामगिरीची आठवण ठेवुन त्यांचा सत्कार घडवुन आणला हे अतिशय स्तुत्य असुन त्याचे सर्वांनी अनुकरण करावे असे ही त्या म्हणाल्या.अधिकाऱ्यांनी मनात आणले तर ते काय करु शकतात हे येथील कामाने दाखवून दिले असल्याचे ही त्या म्हणाल्या.
राजाराम पुलाजवळ डी पी रस्ता व ड्रेनेज चेंबर खचल्याने अवघड परिस्थिती निर्माण झाला होती,त्यातून याच दरम्यान जोरदार पाऊस ही पडत होता,या ठिकाणी असलेल्या विविध वाहिन्या व विशेषत: एम एन जी एल ची गॅस पाईपलाईन या सर्व विपरीत व धोकादायक स्थितीत ज्या कर्मचारी व कामगारांनी अहोरात्र काम केले त्यांच्या प्रती कृतज्ञता व्यक्त करण्यासाठी हा कार्यक्रम आयोजित केल्याचे क्रिएटिव्ह फौंडेशन चे अध्यक्ष संदीप खर्डेकर म्हणाले.या १० दिवसांत मनपाचे विविध खात्यांचे अधिकारी,पोलिस अधिकारी व कर्मचाऱ्यांनी शब्दशः जीव ओतून काम केले,याचा आदर्श सर्वांनी घ्यावा आणि आपल्या पुण्याचा एक नंबर कायम टिकेल असे काम करावे असे ही श्री खर्डेकर म्हणाले.तसेच या सर्व काळात गिरीजा हॉटेल चे मालक विशाल सणस व मॅजेंटा लॉन चे मालक श्री रानडे यांना प्रचंड त्रास झाला (त्यांच्याच दारात रस्ता खचल्याने व चिखलाने राडा झाल्याने) मात्र त्या दोघांनीही हे आपल्या पुण्याचे काम आहे त्यासाठी सर्वतोपरी सहकार्य देउ केले – असे नागरिक आणि हे सर्व कर्मचारी स्मार्ट पुण्याचे शिल्पकार आहेत असे ही खर्डेकर म्हणाले.
मी नगरसेविका होण्यापूर्वी प्रशासनाच्या बाबत साशंक होते, सामान्य नागरिकांची कामे होत नाहीत असाच सार्वत्रिक समज असतो मात्र मी येथे रोज येत होते आणि त्या ८/१० दिवसांत सर्वांनी मिळून जे काम केले ते अवर्णनीय आहे असे स्थानिक नगरसेविका मंजुश्री खर्डेकर म्हणाल्या.
यावेळी पोकलेन व जे सी बी ऑपरेटर मनोज यादव,गवंडी गणेश कोलार,प्लंबर आनंद पवार,मनपा चे मुकादम सुमीत बोरकर आणि ड्रेनेज चे ज्युनियर इंजीनियर राजेश धुमाळ यांचा शाल व भेटवस्तू देउन सत्कार करण्यात आला.
हा सत्कार आमच्यासाठी मोलाचा असून शासकीय सेवेत असे प्रसंग आमच्या वाटयाला येत नाहीत मात्र हा कार्यक्रम आम्हाला अधिक चांगले काम करण्याची प्रेरणा देउन गेला असे ड्रेनेज चे एक्झीक्युटिव्ह इंजीनियर श्री बेंद्रे म्हणाले.
यावेळी कर्मचाऱ्यांचे कौतुक करण्यासाठी नगरसेविका माधुरी सहस्त्रबुद्धे,सुवर्णाताई काकडे,सुलभाताई जगताप,माणिकताई दीक्षित,संगीताताई आदवडे,सुधीरकाका नाईक,रमेश चव्हाण,जयेश सरनौबत,गणेश चव्हाण व इतर नागरिक व कर्मचारी मोठ्या संख्येने उपस्थित होते.
