पुणे -मराठा आरक्षणासाठी आत्महत्या -बलिदान केलेल्या शिंदे नामक तरुणाच्या मृत्युप्रकरणी मुख्यमंत्र्यांवर गुन्हा दाखल करून त्यांच्यावर कारवाई करावी अशी भूमिका आज येथे संभाजी ब्रिगेडच्या वतीने जाहीर करण्यात आली .
पुणे श्रमिक पत्रकार संघ, येथे आज संभाजी ब्रिगेड चे प्रदेशाध्यक्ष मनोज आखरे ,संतोष शिंदे आणि संतोष गजरे यांनी पत्रकार परिषद घेतली .
यावेळी ते म्हणाले ,
‘मराठा समाजाला आरक्षण मिळाले पाहिजे,या मागणीसाठी ‘संभाजी ब्रिगेड’ व इतर मराठा संघटनाच्या वतिने राज्यभर आंदोलन सुरू आहेत. मुख्यमंत्री फडवीस यांना पंढरपूर येथे विठ्ठल’लाची महापुजा करू न देण्याचा निर्णय घेण्यात आला होता. कारण जर मुख्यमंत्री मराठा – धनगर आरक्षणाचा आध्यादेश घेऊन पंढरपुरात घेऊन येणार नाहीत… तोपर्यंत संभाजी ब्रिगेड शांत बसणार नाही व मुख्यमंत्री यांना पाय ठेवू देणार नाहीत… असा निर्णय घेतला होता. कारण राज्य सरकार आरक्षण प्रश्नावर समाजाला फसवत आहे. म्हणून महाराष्ट्रभर संतापाची लाट पसरली आहे. भाजप व फडणवीस सरकारला सत्तेवर राहायचा अधिकार नाही. खोटारड्या मुख्यमंत्र्यांनी तात्काळ राजीनामा द्यावा…
म्हणून… वैतागून संभाजी ब्रिगेड तालुकाध्यक्ष यांच्या भाऊ काकासाहेब शिंदे यांनी गंगापुर येथील कायगाव येथे गोदावरी नदीच्या पात्रात जल समाधी घेतली… पोलीस व प्रशासन’च्या ढिसाळ नियोजनामुळे मराठा आरक्षणासाठी हुतात्मा झाला. हा सरकारच्या गलथान व खोटारड्या व्यवस्थेने केलेला खुन आहे. शहिद काकासाहेब शिंदे यांच्या आत्महत्या प्रकरणी… आत्महत्येस परावृत्त केल्या प्रकरणी मुख्यमंत्री देवेंद्र फडणवीस यांच्यावर भा. द. वी. कलम ३०४, ३०६ खुनाचा गुन्हा व सदोष मनुष्यवधाचा गुन्हा दाखल करावा अशी आमची मागणी आहे . असे हि त्यांनी सांगितले .
