- ब्रिटनचे नवे पंतप्रधान 28 ऑक्टोबरला शपथ घेणार आहेत.
- 29 ऑक्टोबर रोजी नवीन मंत्रिमंडळाची स्थापना होणार आहे.
भारतीय वंशाचे ऋषी सुनक हे ब्रिटनच्या पंतप्रधानपदी विराजमान झाले आहेत. माजी पंतप्रधान बोरिस जॉन्सन यांनी काल पंतप्रधानपदाच्या रेसमधून माघार घेतल्यानंतर ऋषी सुनक यांचं नाव आघाडीवर होतं.ब्रिटनच्या पंतप्रधानपदी विराजमान होण्यासाठी शंभर खासदारांचं बहुमत आवश्यक असतं. त्यांना आव्हान देणाऱ्या पेनी मॉर्डन्ट यांनी माघार घेतली आहे. यापूर्वी माजी पंतप्रधान बोरिस जॉन्सन यांनीही आपले नाव मागे घेतले होते.सुनक यांना सुमारे 200 खासदारांचा पाठिंबा मिळाला. पेनी यांना केवळ 26 खासदारांचेच समर्थन होते. सुनक हे 28 ऑक्टोबरला पंतप्रधानपदाची शपथ घेणार आहेत. त्यानंतर 29 ऑक्टोबरला मंत्रिमंडळाची घोषणा होणार आहे.
संध्याकाळी साडेसहाच्या दरम्यान सुनक यांच्या नावाची घोषणा झाली.ऋषी सुनक हे ब्रिटनचे अर्थमंत्री देखील होते.. ब्रिटनच्या पंतप्रधान लिझ ट्रस यांनी 45 दिवसांच्या कार्यकाळानंतर गुरुवारी अचानक राजीनामा दिला. लिझ ट्रस राजीनामा देणार असल्याचा अंदाज अनेक दिवसांपासून लावला जात होता. ब्रिटनच्या महाराणी एलिझाबेथ द्वितीय यांच्या निधनाच्या काही दिवस आधी लिझ ट्रस यांनी पंतप्रधानपदाची शपथ घेतली होती. त्यावेळी त्यांची पंतप्रधानपदासाठी भारतीय वंशाच्या ऋषी सुनक यांच्याशी स्पर्धा सुरु होती. आता लिझ ट्रस यांच्या राजीनाम्यानंतर ऋषी सुनक हे ब्रिटनचे पंतप्रधान झाले आहेत.