मुंबई-आगामी लोकसभा निवडणुकीच्या तयारीसाठी शरद पवार यांनी पुणे लोकसभा मतदार संघाची आढावा बैठक मुंबईत घेतली या आढावा बैठकीत पुण्याचे शहराध्यक्ष चेतन तुपे यांनी पक्षाची ताकद काँग्रेसपेक्षा कशी जास्त आहे याचा सविस्तरपणे आढावा सादर केला. काँग्रेसपेक्षा राष्ट्रवादीचे नगरसेवक कसे जास्त आणि पालिका निवडणुकीत मिळालेले मतदान आणि त्याची टक्केवारीही सादर केली. मात्र, त्यानंतर माजी आमदार बापू पठारे यांनी ही पुण्यात पक्षाची ताकद एवढी नसून चेतन तुपे यांनी जी माहिती दिली त्यात बारामती आणि शिरूर मतदार संघात मोडणाऱ्या खडकवासला व हडपसर या मतदार संघातील आकडेवारीचा समावेश आहे. प्रत्यक्ष पुणे लोकसभा मतदार संघात एवढे नगरसेवक नसल्याचे त्यांनी निदर्शनास आणून देत त्यांनी पक्षाच्या शहरातील ताकदीचा दावा खोडून काढला त्यानंतर ही बैठक काही वेळातच संपविण्यात आली.