शहीद अब्दुल हमीद यांच्या वीर पत्नी रसुलन बीबींचा पुण्यात यशोदा पुरस्काराने सन्मान (व्हिडीओ)

पुणे- परमवीर चक्र विजेते कंपनी क्वार्टर मास्टर हवालदार शहीद अब्दुल हमीद यांच्या पत्नी रासुलन बीबी यांचा आज पुण्यात माजी राष्ट्रपती प्रतिभाताई पाटील यांच्या हस्ते यशोदा पुरस्काराने सन्मान करण्यात आला. स्वर्गीय मालतीताई माधवराव मानकर यांच्या स्मरणार्थ दिवा प्रतिष्ठान आणि वीर हनुमान मित्र मंडळ यांच्या वतीने हा पुरस्कार दरवर्षी दिला जातो .
माजी उपमहापौर दीपक मानकर ,आणि मानकर परिवार तसेच उद्योजक विठ्ठल शेठ मणियार, माजी आमदार उल्हास दादा पवार, राष्ट्रवादीचे प्रवक्ते माजी महापौर अंकुश काकडे तसेच माजी विरोधी पक्षनेता दत्ता सागरे, ब्रिगेडीअर प्रसाद जोशी ,शहीद अब्दुल हमीद यांचे नातू जमील आलम , मयूर जाधव,आनंद सराफ,हर्षवर्धन मानकर ,करण मानकर आदी मान्यवर यावेळी उपस्थित होते.
वीर अब्दुल हमीद यांनी १९६२ च्या भारत चीनयुद्धात भारतासाठी विशेष पराक्रम केला होता. त्यानंतर १९६५ मध्ये त्यांनी पाकिस्तानशी झालेल्या युद्धात पाकचे 3 टैंक उधवस्त करून चौथा टैंक उधवस्त करण्याच्या प्रयत्नात असताना त्यांना अमरत्व प्राप्त झाले .
महावीर चक्र आणि परमवीर चक्र देवून त्यांचा भारत सरकारने सन्मान केला होता .. आज पुण्यात त्यांच्या पत्नीचा झालेल्या सन्मान सोहळ्याची हि झलक नक्की पहा ….