पुणे बार असोसिएशनच्या अध्यक्षपदी राजेंद्र दौंडकर यांची निवड झाली आहे. अध्यक्षपदासाठी झालेल्या तिरंगी लढतीमध्ये 3 हजार 655 मते घेऊन दौंडकर यांनी एकतर्फी विजय मिळविला.
उपाध्यक्षपदी हेमंत झंजाड आणि संतोष जाधव यांची निवड झाली आहे. त्यांना अनुक्रमे 3 हजार 191 आणि 2 हजार 149 मते मिळाली. सचिवपदी विवेक भरगुडे 2 हजार 637 आणि अशिष ताम्हाणे 1 हजार 653 मते मिळवून विजयी झाले. खजिनदारपदी दत्तात्रय गायकवाड यांची निवड झाली असून, त्यांना 1 हजार 363 मते मिळाली. हिशेब तपासणीस पदी कुमार पायगुडे यांची निवड झाली असून, त्यांना 2 हजार 979 मते मिळाली. कार्यकारिणी सदस्यपदी ओंकार चव्हाण, योगिनी गायकवाड, ज्योती जाधव, श्रीकांत काळभोर, स्वप्नील काळे, अमित खोत, सुनील क्षीरसागर, संतोष मोटे, अनुप पाटील, अभिजित पोळ या दहा जणांची यापूर्वीच बिनविरोध निवड झाली आहे.
पुणे बार असोसिएशनच्या 2017-18 च्या वार्षिक निवडणूकीसाठी आज सकाळी 9.30 वाजता मतदानास सुरूवात झाली. सायंकाळी 5.30 सुमारे 5 हजार 157 वकिलांनी मतदानाचा हक्क बजावला. पोलीस निरीक्षक नितीन कुलकर्णी, सहाय्यक पोलीस निरीक्षक दीपाली जाधव आणि सहाय्यक पोलीस फौजदार प्रताप बिरंजे यांनी लावलेल्या चोख बंदोबस्तामुळे निवडणूक सुरळीतपणे पार पडली. सलग तिसऱ्या वर्षी बारच्या निवडणूकीसाठी इलेक्ट्रॉनिक व्होटींग मशिनचा वापर करण्यात आला. जिल्हा न्यायालयातील अशोका हॉल, जेन्टस् बार रुम आणि नवीन इमारतीसमोरील अशा तीन निवडणूक केंद्रात 24 इलेक्ट्रॉनिक मशिनमध्ये मतदान
घेण्यात आले. मुख्य निवडणूक अधिकारी म्हणून एकनाथ सुगावकर यांनी काम पाहिले. प्रवीण नलावडे, संजय दळवी, शिरीष शिंदे यांनी सह-निवडणूक अधिकारी म्हणून, तर अमरसिंह पाटील, यशवंत खराडे, ज्ञानेश्वर बर्डे, स्मिता देशमुख आणि माधवी परदेशी यांनी सदस्य म्हणून काम पाहिले.