पुणे :’माय अर्थ फाऊंडेशन’, ‘पुणे सिटी एचआर फोरम’, ‘भारतीय कामगार सेने’च्या वतीने मंगळवारी प्रदूषण रोधक मास्कचे वाटप नागरिक आणि वाहतूक पोलिसांना करण्यात आले.
‘जे डब्ल्यू मेरियट हॉटेल’चे मनुष्यबळ व्यवस्थापक विश्वास जगताप यांच्या वाढदिवसानिमित्त हा उपक्रम आयोजित करण्यात आला.
पुणे विद्यापीठ चौक आणि पुण्यातील प्रमुख चौकात ५०० मास्कचे वाटप करण्यात आले.
या कार्यक्रमाला ‘माय अर्थ फाऊंडेशन’ चे अनंत घरत, विश्वास जगताप, ‘एनव्हायर्नमेंट क्लब ऑफ इंडिया’ चे गणेश शिरोडे, किरण शिंदे, युवराज शिंगाडे, राजन नायर, दीपक शेडे, कमलेश कांबळे, तानाजी लोहकरे, श्रीनाथ विटेकर, राजेश शेलार, विजय जोरी, तसेच पोलीस मित्र व पर्यावरण संवर्धन क्षेत्रातील अनेक कार्यकर्ते उपस्थित होते.
