पुणे-वर्ल्ड मास्टर्स पॉवरलिफ्टिंग चॅम्पियनशिप २०१८ – १ ऑक्टोबर २०१८ ते ६ ऑक्टोबर २०१८ दरम्यान मंगोलियामधील उलनबतार येथे या स्पर्धा पार पडल्या . भारतातून सहा संघ या स्पर्धेत सहभागी झाले होते . त्यामध्ये महाराष्ट्रातुन पुणे येथील श्याम सहानी हे (वय ५९ )मास्टर २ या १०५ किलो वजनी गटात भाग घेतला . या स्पर्धेत श्याम सहानी कांस्य पदक पटकाविले .
त्यांच्यबरोबर भारतातील कोच कृष्ण साहू हे उपस्थित होते . त्याचबरोबर भारतातून या स्पर्धेत पंजाबमधून अश्विन कुमारने ब्रांज पदक ,मध्य प्रदेशमधून जगदीश जुनानीयाने ब्रांज पदक व भोपाळमधून सीमा वर्माने ब्रांज पदक पटकाविले .श्याम सहानी हे फिशर्स जिममध्ये पॉवरलिफ्टिंग करतात . संजय शर्मा हे त्यांचे कोच आहेत . श्याम सहानी यांनी मागीलवर्षी इंडोनिशिया येथे पार पडलेल्या पॉवरलिफ्टिंग स्पर्धेत चार ब्राँझ पदक पटकाविली . तसेच , त्यांनी नुकत्याच पुणे येथे महाराष्ट्र चॅम्पियनशिप स्पर्धेत सुवर्ण पदक पटकाविले . जम्मू काश्मीरमध्ये सन २०१५ – १६ मध्ये राष्ट्रीय स्तरावर पार पडलेल्या स्पर्धेत सिल्वर व कांस्य पदक पटकाविले .
पॉवरलिफ्टिंग इंडियाचे भारताचे अध्यक्ष राजेश तिवारी व महाराष्ट्रचे सचिव संजय देसाई यांनी श्याम सहानी यांचे अभिनंदन केले.
