बूथ पदाधिकाऱ्यांना ओळखपत्र, अॅप प्रशिक्षण देणार
पुणे.दि.२७: शिवसेना पक्षाच्या बूथ स्तरावरील नेमलेल्या पदाधिकाऱ्यांची आढावा बैठक शिवसेना नेत्या व आमदार डॉ. नीलम गोऱ्हे यांच्या मार्गदर्शनाखाली पुण्यात पार पडली. बैठकीत शहराच्या विविध भागांतील शिवसैनिकांनी संघटनात्मक काम करताना येणाऱ्या अडचणी आणि स्थानिक पातळीवरील प्रश्न डॉ. गोऱ्हे यांच्यासमोर मांडले.
यावेळी डॉ. गोऱ्हे यांनी मार्गदर्शन करताना सांगितले, “निवडणूक आयोगाच्या वतीने मतदार यद्यांची पडताळणी मोहीम राबविली जात आहे. आपल्या भागातील मतदार यादी अचूक असल्याची खात्री करण्यासाठी उपमुख्यमंत्री एकनाथ शिंदे यांनी विशेष गहन पुनरावृत्ती (SIR) संदर्भात केलेल्या आवाहनानुसार आजची बैठक आयोजित करण्यात आली आहे. तसेचबूथ स्तरावरील पदाधिकाऱ्यांनी अधिक सक्षमपणे आणि समन्वयाने काम करण्याच्या दृष्टीने खासदार डॉ. श्रीकांत शिंदे यांचा या विषयासंदर्भात महाराष्ट्र दौरा सुरू आहे. संपर्क प्रमुख व ऊद्योगमंत्री ना. ऊदय सामंत, खा. श्रीरंग बारणे, शिरूर संपर्क प्रमुख विकास रेपाळे , आ.विजय शिवतारे, आ. शरद सोनावणे, हे सातत्याने पुणें जिल्ह्याच्या विविध विभागात लक्ष घालत आह्त.
पुणें शहरात
पक्षाने नियुक्त केलेल्या बूथ पदाधिकाऱ्यांना अधिकृत ओळखपत्र देण्याबाबत नीलमताई गोर्हे महत्त्वपूर्ण सूचना केली. तसेच बूथ स्तरावरील कामकाज अधिक प्रभावीपणे पार पाडण्यासाठी पक्षाने तयार केलेल्या मोबाईल अॅप्लिकेशनचे प्रशिक्षण पदाधिकाऱ्यांना देण्यात यावे. स्थानिक पदाधिकाऱ्यांमध्ये समन्वय वाढावा आणि स्थानिक पातळीवरील प्रश्नांवर त्वरित चर्चा व्हावी, यासाठी लवकरात लवकर बैठका आयोजित करण्यात यावी. यांसह बूथ स्तरावरील संघटन अधिक सक्षम करण्यासाठी विविध सूचना डॉ. गोऱ्हे यांनी केल्या.
शहर प्रमुख नाना भानगिरे यांनी सांगितले की, “बूथ स्तरावर मजबूत संघटन उभारल्याशिवाय पक्ष अधिक प्रभावी होणार नाही. प्रत्येक पदाधिकाऱ्याने जनतेशी सातत्याने संपर्क ठेवून पक्षाचे काम तळागाळापर्यंत पोहोचवावे.”
रवींद्र धंगेकर यांनी सांगितले की, “शिवसेनेचे बूथ नेटवर्क अधिक सक्षम करण्यासाठी पदाधिकाऱ्यांनी तंत्रज्ञानाचा वापर करून संघटनात्मक काम गतिमान करावे. पक्षाने दिलेल्या जबाबदाऱ्या प्रभावीपणे पार पाडाव्यात.
याखेरीज, सुधीर कुरुमकर, मिलिंद अहिरे, प्रकाश ढमढेरे यांनी देखील सूचना मांडल्या.
या बैठकीस शहरप्रमुख नाना भानगिरे, महानगरप्रमुख रवींद्र धंगेकर, जिल्हाध्यक्ष रमेश कोंडे, युवासेना प्रदेश सचिव किरण साळी, आनंद गोयल, प्रकाश ढमढेरे, राजाभाऊ भिलारे, संदीप शिंदे, सुधीर कुरुमकर, निलेश गिरमे,मिलिंद आहिरे, स्वराज बाबर, प्रणव धंगेकर, सुनील जाधव, पंकज कोद्रे, दत्ता खवले, हेमंत बत्ते, धनंजय जाधव, अक्षदा धुमाळ, आश्विनी मल्हारे, जयवंती फाटे, अनिल दामजी, राजेश मराठे, अनिल गडकरी, निलेश जगताप, नितीन लगस, उद्धव कांबळे, परीक्षित जमदाडे, ओंकार आढाव, गणेश नलावडे, श्री कामठे, अनिल मेमाणे, विशाल पवार, विशाल सरोदे यांसह मोठ्या प्रमाणात शिवसैनिक उपस्थित होते. कार्यक्रमाचे सूत्रसंचालन सुधीर जोशी यांनी केले.
