पुणे :
‘महाराष्ट्र कॉस्मोपॉलिटन एज्युकेशन सोसायटी’च्या ‘स्कूल ऑफ आर्ट’ च्या वतीने ‘ अंब्रेला पेंटींग’ कार्यशाळेचे आयोजन करण्यात आले आहे. ही कार्यशाळा शनिवार, दिनांक ८ सप्टेंबर रोजी सकाळी १० ते २ या वेळेत होणार आहे.
एम सी ई सोसायटी मधील ‘हॉटेल मॅनेजमेंट बिल्डिंग’ जवळील ‘स्कूल ऑफ आर्ट’ , आझम कॅम्पस मध्ये ही कार्यशाळा होणार आहे. आर्टिस्ट रुपेश बसूतकर (मुंबई) हे विद्यार्थ्यांना मार्गदर्शन करतील. छत्रीवर ‘कॅलिग्राफी’ हा वेगळा कार्यानुभव विद्यार्थ्यांना देणार आहेत, अशी माहिती ‘स्कूल ऑफ आर्ट’ च्या संचालक हेमा जैन यांनी पत्रकाद्वारे दिली.
कार्यशाळेत ‘लेट्स वॉक विथ कलर्स इन द रेन’ या संकल्पनेवर आधारित रंगकामाचे मार्गदर्शन केले जाणार आहे. विद्यार्थ्यांना रंगकामाचा प्रत्यक्ष अनुभव मिळावा हा या कार्यशाळेचा प्रमुख उद्देश असल्याचे हेमा जैन यांनी सांगितले.