पुणे-पुणे महानगर प्रदेश विकास प्राधिकरण (पीएमआरडीए) चे पोलीस पोलीस
अधीक्षक तथा नियंत्रक सारंग दादाराम आवाड यांना पोलीस सेवेतील उल्लेखनीय कार्याबद्दल
दि.१५ ऑगस्ट स्वातंत्र्यदिनी राष्ट्रपती पोलीस पदक जाहीर झाले आहे.
१९९६ साली जिल्हा पोलीस उपअधीक्षक म्हणून सेवेत रुजू झालेले सारंग आवाड यांनी
आपल्या सेवेची सुरूवात इस्लामपूर (सांगली) येथून केली. पोलीस उपायुक्त म्हणून ठाणे
शहरात काम पहिले. त्यानंतर लाचलुचपत प्रतिबंधक पुणे या ठिकाणी पोलीस अधीक्षक म्हणून
काम पहिले. या कालावधीत त्यांनी विक्रमी ३७३ गुन्ह्यामध्ये सापळा रचून कारवाई केली.
त्याचप्रमाणे पुणे येथे वाहतूक विभागात पोलीस उपायुक्तपदी असताना विक्रमी मोटार वाहन
कायद्याअंतर्गत कारवाई केली.
प्रथमच सीसीटीव्ही कॅमेरा वापरून दोषी वाहन चालकांविरुद्ध कारवाईचा बडगा त्यांनी
उगारला. राज्य राखीव पोलीस गात क्रमांक दोन येथे कमांडंट असताना त्यांनी गट दोनला
प्रथम आयएसओ मानांकन मिळऊन दिले. या उत्कृष्ट कामगिरीच्या पुरस्काराबद्दल सर्व स्तरातून
त्यांचे कौतुक होत आहे.