पुणे- महापालिकेत एक हाथी सत्ता असल्याने आज झालेल्या विषय समित्यांच्या निवडणुकीत भाजपचे सर्व उमेदवार विजयी झाले .आज दुपारी स्थायी समितीच्या सभागृहात या निवडणुका झाल्या . शहर सुधारणा समितीच्या अध्यक्षपदी सुशील मेंगडे यांची तर महिला बालकल्याण समितीच्या अध्यक्षपदी राजश्री नवले यांची आणि विधी समितीच्या अध्यक्षपदी माधुरी सहस्त्रबुद्धे ,क्रीडा समितीच्या अध्यक्षपदी राहुल भंडारे यांची निवड झाली .तर उपाध्यक्षपदी शहर सुधारणा – अजय खेडेकर , उपाध्यक्ष विधी समिती -विजय शेवाळे , उपाध्यक्ष क्रीडा समिती -जयंत भावे यांची निवड झाली .कृषी प्रकल्प अधिकारी सुशील खोद्वेकर यांनी निवडणूक अधिकारी म्हणून काम पाहिले . महापौर मुक्ता टिळक , सभागृहनेते श्रीनाथ भिमाले,स्थायी समिती अध्यक्ष -योगेश मुळीक , विरोधी पक्ष नेते चेतन तुपे पाटील, नगरसचिव सुनील पारखी आदींनी यावेळी विजयी उमेदवारांचे अभिनंदन केले .
शिवसेनेने या निवडणुकीवर बहिष्कार टाकला . तर कॉंग्रेस राष्ट्रवादीने पराभव माहिती असूनही निवडणूक लढविली .