पुण्यात १५० वाय-फाय हॉटस्पॉट्सचे ‘बिटा व्हर्जन’ सुरू

पुणे-

इंटरनेट कनेक्टिव्हिटी वाढविण्यासाठी प्रजासत्ताक दिनी शहरातील मोफत वाय-फाय सेवेचे महापौर मुक्ता टिळक यांच्या हस्ते उद्घाटन करण्यात आले. पुणे स्मार्ट सिटी डेव्हलपमेंट कॉर्पोरेशन लिमिटेड (PSCDCL) आणि पुणे महानगरपालिका यांच्या संयुक्त विद्यमाने व एल अँड टी, रेलटेल यांच्या सहकार्याने पुण्यातील १५० वाय-फाय हॉटस्पॉट्सचे ‘बिटा व्हर्जन’ सुरू करण्यात आले आहे. शहरातील निवडक उद्याने, रुग्णालये, पोलीस ठाणी, सरकारी कार्यालये आणि संग्रहालये अशा सार्वजनिक ठिकाणी वाय-फाय सुविधा पुरवण्यात येत आहे.

मोफत पुणे वाय-फायचा लाभ कसा घ्याल ?

स्मार्टफोन आणि लॅपटॉपवरूनही वाय-फाय सुविधा वापरता येणार आहे. नेटवर्कच्या क्षेत्रात असणाऱ्या लोकांना मोबाईलवर पाठवल्या जाणारा वन टाईम पासवर्ड (ओटीपी) टाकून सोप्या लॉग-इन प्रक्रियेद्वारे वाय-फाय सुरू करता येईल. तसेच, क्यूआर कोड स्कॅन करूनही सर्वांना ही सुविधा वापरता येणार आहे. वाय-फाय हॉटस्पॉट आणि त्याच्या ठिकाणांबद्दल पुणे स्मार्ट सिटीच्या फेसबुक पेजवरील ‘इव्हेंट’मध्ये किंवा www.pmc.gov.in/en/wi-fi या लिंकवर अधिक माहिती मिळेल.

१. तुमच्या वाय-फाय सेटिंगमध्ये पुणे वाय-फायचा पर्याय निवडा

२. स्क्रीनवर तुमचा मोबाईल नंबर टाकून ‘रिसिव्ह SMS’च्या पर्यायावर क्लिक करा

३. SMS द्वारे मिळालेला OTP कोड टाकून ‘कनेक्ट’ या पर्यायावर क्लिक करा

४. तुम्ही इंटरनेटचा आनंद घेण्यास तयार

शहरात याठिकाणी मिळणार मोफत वायफायची सुविधा