पुणे : महानगरपालिकेच्या प्रसुतिगृहांमध्ये जन्माला येणाच्या नवजात बालकांना मोफत बेबी कीट देण्यात येणार आहे. त्याची सुरूवात शनिवारी कमला नेहरू रूग्णालयातून महापौर मुक्ता टिळक आणि उपमहापौर डॉ. सिध्दार्थ धेंडे यांच्या हस्ते करण्यात आली. या शिवाय, पालिका रूग्णालयात उपचार घेणाऱ्या मात्र, बेड वरून उठता न येणाऱ्या ज्येष्ठ नागरिक तसेच इतर रूग्णांना हे डायपर मोफत दिले जाणार आहेत.
महिला व बाल कल्याण समिती अध्यक्षा राजश्री नवले, स्थानिक सभासद योगेश समेळ,नगरसेविका सुजाता शेट्टी तसेच पुणे महानगरपालिकेच्या सहाय्यक आरोग्य अधिकारी डॉ. अंजली साबणे, डॉ.संजीव वावरे, कमला नेहरु रुग्णालयाचे वैद्यकीय अधिक्षक डॉ. राहुल गागरे व अन्य कर्मचारी यावेळी उपस्थित होते. नवजात अर्भकांना देण्यात येणाच्या बेबी कीट मध्ये बेबी सोप, मसाज ऑईल, शांपू, कंगवा व नवजात बालकांचे संगोपनाकरीता उपयुक्त असलेल्या अन्य साहित्याचा समावेश आहे.