पुणे- झाडे तोडण्यासाठी महापालिकेच्या वरिष्ठ अधिकाऱ्यांची परवानगी काढून देण्याच्या कामासाठी ४० हजाराची लाच स्वीकारताना पुणे महापालिकेच्या उद्यान निरीक्षकास लाचलुचपत प्रतिबंधक विभागाने सापळा रचून ताब्यात घेतले.
राजेंद्र पोपट कळसकर (वय 38 रा. रा. सोलापूर टोलनाका कवडी माळवाडी गट नंबर 950, लेन नंबर 5, कदमवाक वस्ती, लोणी काळभोर ता. हवेली ) असे या उद्यान निरीक्षकांचे नाव आहे. कळसकर हा पुणे मनपा नगर रोड क्षेत्रीय कार्यालय येथे उद्यान निरीक्षक पदावर काम करतो.
तक्रारदार रहात असलेल्या सोसायटीच्या बाजूला असलेल्या वृक्षांच्या मुळांमुळे तक्रारदार यांच्या घरांचे नुकसान होत होते त्यासाठी तिथली झाडे तोडण्यासाठी कळसकर याने वरिष्ठ अधिकाऱ्याची परवानगी मिळवून देण्यासाठी 60 हजाराची लाच मागितली होती. आज (दि.2) 40 हजार रूपयांचा पहिला हप्ता घेताना लाच लुचपत प्रतिबंधक विभागाने कळसकर याला रंगेहाथ पकडले.