ओतुर- (संजोक काळदंते)
दातृत्व आणि कर्तुत्व याचा संगम म्हणजे ओतुरचे शिवाजीराव शंकराव डुंबरे हे आहेत माणसाजवळ किती पैसे आहेत यापेक्षा त्याच्याकडे असणाऱ्या पैशापैकी तो समाजासाठी किती खर्च करतो हे महत्त्वाचे आहे समाजात अशा माणसाची गरज आहे सामाजिक कामासाठी जो आपल्या खिशातून पैसे घालून काम करतो तो माणूस खऱ्या अर्थाने जीवन जगतो असे म्हणावे लागेल दातृत्व आणि कर्तुत्व अशा दोन्हींचा संगम म्हणजे येथील शिवाजीराव डुंबरे आहेत त्यांनी स्वखर्चाने तब्बल सोळा लाख रुपयाचे पथदिवे ओतुर परिसरात लावले या सामाजिक कामामुळे स्थानिक ग्रामस्थांनी त्यांचा सत्कार समारंभ आणि पथदिव्यांचे उद्घाटन कार्यक्रम ठेवण्यात आला होता यावेळी आमदार शरद सोनवणे बोलत होते.
आमदार शरदसोनवणे पुढे म्हणाले की डुंबरे यांनी समाजाप्रती केलेले काम हे अविस्मरणीय आहे त्यांनी स्वतःच्या प्रेरणेने सामाजिक बांधिलकी जपत परिसरात पथदिवे लावले आणि समाजाला एक संदेश दिला आहे आपणच जर आपल्या कमाईतून काही रक्कम आपल्या समाजाच्या हितासाठी किंवा सामाजिक कामासाठी लावली तर यासारखे दुसरे पुण्य नाही मंदिरे बांधण्यात आपण खर्च करतो अगर घरातील कोणाच्या साडेपाच महिने वर्षश्राद्ध अशा कार्यक्रमांना खर्च करण्यापेक्षा जर हे पैसे समाजाच्या हितासाठी वापरले तर समाजाचा व आपला विकास झाल्याशिवाय राहणार नाही असेही ते यावेळी बोलताना म्हणाले यावेळी शिवनेरी भूषण ह भ प विष्णु महाराज ढमाले,ओतुरचे सरपंच बाळासाहेब घुले, जिल्हा परिषद सदस्य मोहित ढमाले, पंचायत समिती सदस्य विशाल तांबे, विघ्नहर सहकारी साखर कारखान्याचे संचालक धनंजय डुंबरे, ग्रामपंचायत सदस्य बाळासाहेब ढमाले, भा.ज.प.चे तालुकाध्यक्ष भगवान घोलप,माजी जि.प.सदस्य तुषार थोरात ,वसंतअप्पा डुंबरे,उद्योजक श्रीधरशेठ दाते,अमोल पाटील डुंबरे,गणेश अहीनवे,विश्वास पाटील डुंबरे,संतोष डुंबरे,विठ्ठल डुंबरे, सागर दाते,विजय तांबे प्रकाश हिंगणे, बबन तांबे ,संतोष तांबे,,संतोष गिते,जयवंत तांबे ,नामदेव घोलप, अरुण ढमाले, संतोष नवले,सचिन घोलप आणि तांबेमळा ,डुंबरे – दाते मळा, अमीर घाट या परिसरातील नागरिक उपस्थित होते.
