ओतुर – दि.२१ (संजोक काळदंते)
नगर – कल्याण महामार्गावरील माळशेज घाटात बोगद्याजवळ मंगळवारी(दि.२१) पहाटे दोनच्या सुमारास पुन्हा दरड कोसळली दगडाच्या ढिगा-याखाली टेम्पोचे नुकसान होऊन या टेम्पोचा चालक जख्मी झाला आहे.दरड हटवण्याचे काम युद्धपातळीवर सुरू करण्यात आले आहे. शिवाय खबरदारीचा उपाय म्हणून येथील वाहतूक पूर्णतः बंद ठेवण्यात आली आहे.किमान दोन दिवस घाट बंद राहण्याची शक्यता आहे.
या घटनेत कोणतीही जीवितहानी झालेली नाही. महामार्ग अधिकारी कर्मचारी तसेच महसूल कर्मचारी, पोलीस हे घटनास्थळी पोहोचले. दरम्यान, सध्या घाटात खूप धुके असून त्याचा अंदाज घेऊन दरड हटवण्याचे काम सुरू असल्याची माहिती निवासी उपजिल्हाधिकारी शिवाजी पाटील यांनी दिली. दरड कोसळल्यानं एका टेम्पोचा चक्काचूर झाल्याची माहिती समोर आली आहे, तर एसटी बस थोडक्यात बचावली. या अपघातात काही जण जखमी झाल्याची भीती व्यक्त करण्यात येत आहे. धुकं आणि पावसामुळे दरड हटवण्यात अडचणी येत आहेत. दोन्ही बाजूला वाहनाच्या मोठ्या रांगा लागलेल्या आहेत. या पावसळ्यात दरड कोसळण्याची ही तिसरी घटना आहे.
दरडीखाली एक टेम्पो अपघात ग्रस्त झाला आहे. त्यातील चालक अमोल दहिफळे,(रा.मोहटादेवी,ता.पाथर्
दरडीखाली एक टेम्पो अपघात ग्रस्त झाला आहे. त्यातील चालक अमोल दहिफळे,(रा.मोहटादेवी,ता.पाथर्
सुमारे ४०० एस.टी.बसेस या मार्गावरुन ये – जा करतात तसेच ईतर खाजगी प्रवासी वाहने , मालवाहतुक करणारी वाहने , भाजीपाला दुध वाहतुकीची वाहने या रस्त्यावरुन दररोज ये – जा करतात रात्री अपरात्री त्यांना पावसामुळे तसेच धुक्यातुन प्रवास करताना येणाऱ्या अडचणी येवुन चालकांना वाहन चालविने अशक्य होत आहे. निसर्गसौंदर्याने नटलेला आणि राज्यातील पर्यटकांना मोहीत करणारा माळशेज घाट मात्र दिवसेंदिवस धोकादायक ठरत असला आणि दराडी कोसळु नये या करिता अनेक उपाययोजना करुनही दरड कोसळण्याच्या घटना घडतच आहेत अनेक ठिकाणी संबंधीत विभागाकडुन सुधारना करण्याचा झालेला प्रयत्न असफलच ठरलाय असेच या घटनांमधुन वेळोवेळी समोर येत आहे.
