पुणे- ग्रामीण भागातून राष्ट्रवादीच्या संविधान बचाव कार्यक्रमाला आलेल्या एका युवतीने अस्सल पुणेकर म्हणता येईल अशा कोथरूडच्या भाजप आमदार मेधा कुलकर्णींना सणसणीत चपराक ‘राष्ट्रवादीच्या संविधान बचावो ‘ कार्यक्रमातून बोलताना खुद्द शरद पवार ,अजित पवार ,सुप्रिया सुळे आदी नेत्यांच्या समक्ष लगावली . ब्राम्हणांनी देशाचे नेतृत्व केले आणि करतील असे वक्तव्य आ. कुलकर्णी यांनी केले होते या वक्तव्याचा समाचार घेत तिने हि चपराक लगावली.महात्मा ज्योतिबा फुले आणि त्यांची पत्नी सावित्रीमाई फुले होत्या म्हणून ..तुम्ही इथपर्यंत पोहोचल्या .आणि आमदार झाल्या . नाहीतर तुमच्यासह तुमच्या सारख्या घरात भाकऱ्या थापत बसल्या असत्या . अशा वाक्यात हि चपराक दिली .
भाजपमधील वाचाळनेत्यांचा हि तिने आपल्या भाषणात समाचार घेतला .सक्षणा सलगर असे या युवतीचे नाव असून ती राष्ट्रवादीच्या प्रदेश युवती विभागाची अध्यक्ष आहे .खा. वंदना चव्हाण ,फौजिया खान,दिलीप वळसे पा.,चेतन तुपे पाटील ,सुभाष जगताप ,राजलक्ष्मी भोसले,नंदा लोणकर,अश्विनी कदम,मनाली भिलारे आदी असंख्य मान्यवर नेते मंडळी यावेळी उपस्थित होती.