पुणे- दिल्ली येथे झालेल्या राष्ट्रीय कुशल स्पर्धेमध्ये क्रेडाई कुशलच्या कामगारांनी घवघवीत यश संपादन केले आहे. ब्रिक लेईंग मध्ये दशरथ नेतम तर वॉल आणि फ्लोअर टायलिंगमध्ये सुनिल राठोड यांनी सुवर्णपदक पटकाविले.तसेच सबावत संजीव कुमार पहिला उपविजेता ठरला आहे. ही स्पर्धा १५ ते १७ जुलै दरम्यान दिल्ली येथील प्रगती मैदानवर घेण्यात आली.
याप्रसंगी सुवर्णपदक पटकवणाऱ्यांना रोख १ लाख रूपये व उपविजेत्याला रोख ७५००० रूपये केंद्रीय उद्योजकता व कौशल्य विकास मंत्री राजीव प्रताप रूडी यांच्या हस्ते देण्यात आले. यावेळी कुशल क्रेडाईचे अध्यक्ष जे. पी. श्रॉफ, सुकाणू समितीचे सदस्य कवीश थकवाणी उपस्थित होते.
श्रॉफ म्हणाले की, ऑक्टोबर २०१७ मध्ये अबुधाबी येथे होणाऱ्या ४४व्या जागतिक कौशल्य स्पर्धेसाठी आम्ही कामगारांना तयार करण्यासाठी विशेष प्रयत्न करीत आहोत, या स्पर्धेमध्येही आमचे कामगार चांगली कामगीरी करतील अशी माझी खात्री आहे.