‘लोकशाही वाचवा’ मोर्चात 19 विरोधी पक्षांचे खासदार; ज्ञानेश कुमारांच्या राजीनाम्याची मागणी
ख्य निवडणूक आयुक्त ज्ञानेश कुमार यांच्या राजीनाम्याची मागणी करण्यासाठी १९ विरोधी पक्षांनी आयोजित केलेला ‘लोकशाही वाचवा’ (Save Democracy) मोर्चा पोलिसांनी अडवला. पोलिसांनी ताब्यात घेऊन बसमध्ये बसवल्यानंतर राहुल आणि प्रियांका बसमधून खाली उतरले आणि आकाशवाणीच्या इमारतीत गेले. सध्या ते आकाशवाणीच्या आवारातच धरणे आंदोलन करत आहेत.
निवडणूक आयोगाचे कार्यालय आकाशवाणीपासून अवघ्या २७० मीटर अंतरावर आहे. विरोधकांनी नवीन संसद भवनापासून निवडणूक आयोगाच्या कार्यालयापर्यंत मोर्चा काढला होता. हे आंदोलन गेल्या अडीच तासांपासून सुरू आहे.
पोलिसांनी विरोधी पक्षाच्या खासदारांना तीन वेळा अडवले. या झटापटीत हातात तिरंगा ध्वज घेऊन राहुल बॅरिकेड्सवर चढले. त्यांच्या हातात ‘ज्ञानेश, इट्स डन ब्रो’ असे लिहिलेला फलकही दिसून आला. गेल्या पाच दिवसांत दिल्ली आणि मुंबईत निवडणूक आयोगाविरुद्ध झालेले हे सातवे आंदोलन आहे.
नवी दिल्ली : मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी विरोधी पक्षांच्या खासदारांनी संसद परिसरातून निवडणूक आयोगाच्या कार्यालयाकडे मोर्चा काढला. मात्र, पोलिसांनी मार्गातच मोर्चा रोखला. त्यानंतर राहुल गांधी, प्रियांका गांधी, समाजवादी पक्षाचे अखिलेश यादव यांच्यासह अनेक विरोधी नेत्यांना ताब्यात घेण्यात आले.
मोर्चात सहभागी खासदारांनी “Save Democracy” आणि ज्ञानेश कुमार यांच्या राजीनाम्याच्या मागण्यांचे फलक हातात घेतले होते. विरोधकांनी मतदार यादीतील बदल, SIR प्रक्रिया आणि निवडणूक आयोगाच्या कामकाजातील पारदर्शकतेबाबत प्रश्न उपस्थित केले.
राहुल गांधींचा ‘Gyanesh, it’s done bro’ फलक
राहुल गांधी “Gyanesh, it’s done bro” असा फलक घेऊन आंदोलनात सहभागी झाले. त्यानंतर त्यांनी बॅरिकेड्सवर चढून आंदोलनकर्त्यांना संबोधित केले. हा फलक सोशल मीडियावरही चर्चेत आला.
पाच दिवसांत आंदोलनांची मालिका
ज्ञानेश कुमार यांच्या विरोधातील आंदोलन गेल्या काही दिवसांत तीव्र झाले आहे. दिल्लीमध्ये विविध विद्यार्थी संघटना, राजकीय पक्ष आणि कार्यकर्ते सातत्याने आंदोलन करत असून पोलिसांनी अनेक ठिकाणी आंदोलकांना ताब्यात घेतले आहे. दिल्ली पोलिसांनी अनेक FIR दाखल केल्याचेही वृत्त आहे.
सुप्रीम कोर्टातही प्रकरण
दरम्यान, मुख्य निवडणूक आयुक्तांच्या कथित एकतर्फी निर्णयांबाबत सर्वोच्च न्यायालयाने केंद्र आणि निवडणूक आयोगाला नोटीस बजावली आहे. न्यायालयाने संबंधित नोंदी तपासून कायद्याचे उल्लंघन झाल्याचे आढळल्यास निर्णय रद्द करता येतील, असे स्पष्ट केले आहे.
EC आणि BJPकडून आरोप फेटाळले
राहुल गांधी आणि इतर विरोधी नेत्यांनी निवडणूक आयोगावर पक्षपातीपणाचे आरोप केले असले तरी निवडणूक आयोगाने Form 6 बदलल्याचा दावा दिशाभूल करणारा असल्याचे म्हटले आहे. भाजपनेही विरोधकांचे आरोप निराधार असल्याचे सांगितले आहे.
