500MVA आणि 400kV क्षमतेचा अत्याधुनिक निर्मिती प्रकल्प; एप्रिल 2027 पर्यंत कार्यान्वित होण्याची अपेक्षा
पुणे-, 1 सप्टेंबर 2026 : वारी एनर्जीज लिमिटेडची उपकंपनी असलेल्या वारी ट्रान्सपॉवर प्रायव्हेट लिमिटेडने उच्च-व्होल्टेज ट्रान्सफॉर्मर उत्पादन क्षमता वाढवण्यासाठी सुमारे 192 कोटी रुपयांची गुंतवणूक करण्याचा निर्णय घेतला आहे. या गुंतवणुकीतून 500MVA आणि 400kV क्षमतेचा अत्याधुनिक ट्रान्सफॉर्मर निर्मिती प्रकल्प उभारला जाणार असून, त्यामुळे कंपनीच्या पॉवर ट्रान्सफॉर्मर निर्मिती क्षमतेत मोठी वाढ होणार आहे.
नवीन प्रकल्प एप्रिल 2027 पर्यंत कार्यान्वित होण्याची अपेक्षा आहे. या सुविधेमुळे वारी ट्रान्सपॉवरला 132kV, 220kV आणि 400kV व्होल्टेज श्रेणीतील ट्रान्सफॉर्मर्सची निर्मिती करता येणार आहे. भारतातील वेगाने विस्तारत असलेल्या वीज पारेषण व्यवस्था आणि अक्षय्य ऊर्जा पायाभूत सुविधांमुळे निर्माण होणारी वाढती मागणी पूर्ण करण्याच्या दृष्टीने ही गुंतवणूक महत्त्वाची ठरणार आहे.
मोठ्या प्रमाणावर होणारी अक्षय्य ऊर्जा निर्मिती आणि ऊर्जा साठवण क्षमता ग्रीडमध्ये समाविष्ट करण्यासाठी सक्षम पारेषण व्यवस्था, वितरण पायाभूत सुविधांचा विस्तार आणि विजेची वाढती मागणी या पार्श्वभूमीवर कंपनीने हा विस्तार हाती घेतला आहे.
नवीन सुविधेमुळे वारी ट्रान्सपॉवर वीज पायाभूत सुविधांच्या संपूर्ण मूल्यसाखळीतील आपली क्षमता अधिक मजबूत करणार आहे. अक्षय्य ऊर्जेपुरते मर्यादित न राहता उच्च-दाब पारेषणाच्या व्यापक गरजा पूर्ण करण्याच्या दिशेनेही कंपनी आपली व्याप्ती वाढवत आहे.
कंपनीकडे सध्या आर्थिक वर्ष 2026-27 मध्ये पूर्ण करावयाच्या सुमारे 360 कोटी रुपयांच्या ऑर्डर्स आहेत. या ऑर्डर्समुळे कंपनीच्या पुढील विकास आणि उत्पादन क्षमता विस्तारासाठी भक्कम पाया तयार झाल्याचे कंपनीने म्हटले आहे.
नवीन 500MVA/400kV सुविधा वारी ट्रान्सपॉवरच्या विद्यमान उत्पादन क्षमतेला पूरक ठरणार असून, अधिक मोठ्या, गुंतागुंतीच्या आणि तांत्रिकदृष्ट्या आव्हानात्मक ऊर्जा पायाभूत सुविधा प्रकल्पांमध्ये सहभागी होण्याची क्षमता कंपनीला मिळणार आहे.
वारी एनर्जीज लिमिटेडचे संचालक विरेन दोशी म्हणाले की, “500MVA आणि 400kV क्षमतेच्या उत्पादन प्रकल्पामध्ये केलेली 192 कोटी रुपयांची गुंतवणूक ही भारताच्या वीज पायाभूत सुविधांच्या विकासावर आणि विश्वसनीय उच्च-व्होल्टेज ट्रान्सफॉर्मेशन क्षमतेच्या वाढत्या मागणीवर असलेल्या आमच्या दीर्घकालीन विश्वासाचे प्रतीक आहे.”
अक्षय्य ऊर्जेचा वापर वाढत असताना ट्रान्समिशन जाळे मजबूत करणे तसेच नवीन ऊर्जा निर्मिती आणि साठवण क्षमता ग्रीडमध्ये सुरळीतपणे समाविष्ट करणे महत्त्वाचे असल्याचेही त्यांनी सांगितले. हा प्रकल्प कंपनीची क्षमता लक्षणीयरीत्या वाढवेल आणि विविध व्होल्टेज श्रेणीतील ग्राहकांच्या गरजा पूर्ण करण्यास मदत करेल, असे दोशी यांनी नमूद केले.
ही गुंतवणूक वारी ट्रान्सपॉवरच्या व्यापक धोरणाचा भाग असून, भारताच्या बदलत्या ऊर्जा क्षेत्राला आवश्यक असलेला विस्तारक्षम, तांत्रिकदृष्ट्या प्रगत आणि वैविध्यपूर्ण विद्युत पायाभूत सुविधा व्यवसाय उभारण्यावर कंपनीचा भर आहे. त्यासोबतच नवीकरणीय ऊर्जा, BESS आणि ग्रीड पायाभूत सुविधांमधील भविष्यातील संधींसाठीही कंपनी तयारी करत आहे.
