पाहतां समचरणाची शोभा |
अवघा जगी #विठ्ठल ऊभा ||
विठ्ठले लावियले पिसें |
जिकडे पाहावा तिकडे दिसे ||
।। जय हरी विठ्ठल।।
दरवर्षी प्रमाणे यंदाही आषाढी एकादशीनिमित्त बालेवाडी येथील विठ्ठल रुक्मिणी मंदिर ट्रस्टचे अध्यक्ष संजय बालवडकर, नगरसेवक अमोलभैय्या बालवडकर व राहुलदादा बालवडकर यांच्या वतीने मोफत पंढरपूर यात्रेचे आयोजन करण्यात आले होते.
विठुरायांचे दर्शन घेण्यासाठी या यात्रेत १९ बसेस सहभागी झाले. माऊलीचे नामस्मरण करून मोठ्या भक्तिभावाने व पवित्र वातावरणात सदर यात्रा १९ बसेसच्या माध्यमातुन पंढरपूर नगरिकडे रवाना झाले. विठ्ठल-रखुमाईच्या गजरात संपूर्ण परिसर यावेळी दुमदुमला.
“या यात्रेच्या माध्यमातुन समस्त वारकरी संप्रदायाची सेवा गेली ३२ वर्षे आमच्या हातुन घडत असुन समस्त वारकरी मायबापांचे आशिर्वाद यातुन मिळत आहेत, तसेच सांप्रदाय क्षेत्राची हि सेवा करत असल्याचे समाधान यातुन मिळत आहे” असे यावेळी नगरसेवक अमोल बालवडकर यांनी सांगितले. यावेळी नगरसेवक अमोलभैय्या बालवडकर, विठ्ठल रुक्मिणी ट्रस्ट चे अध्यक्ष संजय बालवडकर, राहुलदादा बालवडकर, श्री.ज्ञानेश्वरभाऊ तापकीर, सुनिलजी चांदेरे, प्रकाशतात्या बालवडकर, अनिल बालवडकर, वैशालीताई कमाजदार, कल्याणीताई टोकेकर, समस्त महिला भजनी मंडळ व भाविक-भक्त उपस्थित होते.
