पुणे | प्रतिनिधी
आंबेगाव पठार परिसरात राहणाऱ्या एका तरुणीचा मानसिक व शारीरिक छळ करून तिला आत्महत्येस प्रवृत्त केल्याप्रकरणी आंबेगाव पोलिस ठाण्यात एका तरुणाविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादीच्या बहिणीला आरोपी साहिल आडसूळ (वय २८, रा. गजानन कॉलनी, साईसिद्धी चौकाजवळ, आंबेगाव पठार) याने २०२२ पासून प्रेमसंबंधाच्या बहाण्याने पुण्यात ठेवले. तिच्याकडील बचतीची रक्कम व सोन्याचे दागिने स्वतःच्या फायद्यासाठी वापरले. तसेच वारंवार पैशांची मागणी करून पैसे न दिल्यास तिला मारहाण केली, मानसिक व शारीरिक छळ केला.
या सततच्या छळामुळे संबंधित तरुणीला राहत्या घरी गळफास घेऊन आत्महत्या करण्यास प्रवृत्त केल्याचा आरोप करण्यात आला आहे. या प्रकरणी आंबेगाव पोलिस ठाण्यात भारतीय न्याय संहिता कलम १०८ अन्वये गुन्हा दाखल करण्यात आला असून पुढील तपास पोलीस करीत आहेत.
डेक्कनमध्ये घरफोडी; दोन लाखांचा ऐवज लंपास
डेक्कन परिसरातील एका निवासी इमारतीतील फ्लॅटचे कुलूप तोडून चोरट्याने घरात प्रवेश केला. घरातील सुमारे २ लाख १ हजार रुपयांच्या इलेक्ट्रिकल वायरचे बंडल चोरीला गेल्याची घटना उघडकीस आली असून एका आरोपीला अटक करण्यात आली आहे.
🔹 खराडीत दहशत माजवणाऱ्या सात जणांविरुद्ध गुन्हा
खराडी परिसरात जुन्या वादातून काही युवकांनी लोखंडी हत्यारे व लाकडी दांडक्यांच्या साहाय्याने वाहनांची तोडफोड करून परिसरात दहशत निर्माण केली. या प्रकरणी चार आरोपींना अटक करण्यात आली असून इतरांचा शोध सुरू आहे.
🔹 शेअर ट्रेडिंगच्या आमिषाने ज्येष्ठ नागरिकाची १.१० कोटींची फसवणूक
व्हॉट्सॲपवर शेअर ट्रेडिंगमध्ये मोठा परतावा मिळण्याचे आमिष दाखवून एका ७० वर्षीय नागरिकाकडून तब्बल १ कोटी १० लाख २१ हजार रुपयांची ऑनलाईन फसवणूक करण्यात आली. सायबर पोलिसांनी गुन्हा दाखल करून तपास सुरू केला आहे.
🔹 बँक अधिकारी असल्याचे भासवून १०.३४ लाखांची ऑनलाईन फसवणूक
एरंडवणे येथील ७५ वर्षीय नागरिकाला बँकेचा अधिकारी असल्याचे सांगून सीनिअर सिटिझन कार्डच्या नावाखाली फसवणूक करण्यात आली. आरोपींनी विविध व्यवहारांद्वारे १० लाख ३४ हजार ५०० रुपये उकळल्याचे समोर आले आहे.
🔹 गुंतवणुकीच्या आमिषाने १५.५५ लाखांचा गंडा
बाणेर परिसरातील ७२ वर्षीय नागरिकाला व्हॉट्सॲपद्वारे शेअर ट्रेडिंग व आयपीओमध्ये मोठा नफा मिळवून देण्याचे आमिष दाखवून १५ लाख ५५ हजार रुपयांची फसवणूक करण्यात आली. पोलिसांनी अज्ञात सायबर भामट्यांविरुद्ध गुन्हा दाखल केला आहे.
🔹 सिंहगड रस्त्यावर अपघात; एकाचा मृत्यू
सिंहगड रस्त्यावरील कोल्हेवाडी येथे झालेल्या अपघातात एका व्यक्तीचा मृत्यू झाला. वाहन निष्काळजीपणे चालवल्याप्रकरणी संबंधित चालकाविरुद्ध गुन्हा दाखल करण्यात आला असून पुढील तपास सुरू आहे.
🔹 पाषाणमध्ये घरफोडी; दीड लाखांचे दागिने चोरीला
पाषाण परिसरातील एका घराचे दार उघडे असल्याची संधी साधून चोरट्याने घरात प्रवेश केला. घरातील सुमारे दीड लाख रुपयांचे सोन्या-चांदीचे दागिने व कागदपत्रे चोरीला गेल्याची नों
