पुणे-
दिग्दर्शक मधुर भांडारकर, मृणाल कुलकर्णींसह चित्रपटसृष्टीतील दिग्गजांचे नवोदितांना थेट मार्गदर्शनपुणे : चित्रपट, नाट्य आणि मनोरंजन क्षेत्रात करिअर घडविण्याची स्वप्ने पाहणाऱ्या नवोदित कलाकार, दिग्दर्शक, लेखक आणि कलावंतांसाठी दादासाहेब फाळके फिल्म इंस्टीट्युटच्या वतीने पुण्यात भव्य विनामूल्य अभिनय मार्गदर्शनपर चर्चासत्र व परिसंवादाचे आयोजन करण्यात आले आहे. रविवार, २८ जून २०२६ रोजी सकाळी १० ते सायंकाळी ६ या वेळेत स्वारगेट येथील गणेश कला क्रीडा मंच येथे हा बहुप्रतीक्षित कार्यक्रम होणार आहे.या कार्यक्रमाचे उद्घाटन अखिल भारतीय चित्रपट महामंडळाचे अध्यक्ष मेघराज राजेभोसले, दादासाहेब फाळके फिल्म इंस्टीट्युटचे संस्थापक राजाराम कोरे यांच्या हस्ते होणार आहे. यावेळी चित्रपट, नाट्य, सामाजिक व राजकीय क्षेत्रातील अनेक मान्यवरांची उपस्थिती लाभणार आहे. अशी माहिती श्रमिक पत्रकार भवन येथे आयोजित केलेल्या पत्रकार परिषदेत देण्यात आली.परिसंवादात पद्मश्री दिग्दर्शक मधुर भांडारकर, साऊथ फिल्म इंडस्ट्रीतील प्रसिद्ध अभिनेते रवी प्रकाश, अभिनेत्री मृणाल कुलकर्णी, प्रसिद्ध कास्टिंग डायरेक्टर विकी सिदाना, व्यक्तिमत्त्व विकास प्रशिक्षक केदार आठवले, कंटेंट क्रिएटर विराज अवचिते, राहुल चव्हाण, सुनीता चव्हाण तसेच अभिनेते विजय आंधळकर यांसारखे दिग्गज सहभागी होणार आहेत.चित्रपटसृष्टीतील संधी, अभिनय प्रशिक्षण, ऑडिशनची तयारी, कास्टिंग प्रक्रिया, व्यक्तिमत्त्व विकास, व्हॉईस ट्रेनिंग, डिजिटल माध्यमांतील करिअरच्या संधी तसेच बदलत्या चित्रपट आणि नाट्य क्षेत्रातील प्रवाह याबाबत तज्ज्ञांकडून प्रत्यक्ष मार्गदर्शन मिळणार आहे. नवोदित कलाकारांना उद्योगातील वास्तव समजून घेण्यासह यशस्वी करिअर घडविण्यासाठी आवश्यक कौशल्ये आत्मसात करण्याची संधी या परिसंवादातून मिळणार आहे.चित्रपट आणि नाट्य क्षेत्रात स्वतःची ओळख निर्माण करण्याची इच्छा असलेल्या सर्व इच्छुकांनी या विनामूल्य परिसंवादाचा लाभ घ्यावा, असे आवाहन आयोजकांनी केले आहे.
