पुणे-९ वर्षाच्या पंतप्रधानपदाच्या कारकिर्दीत नरेंद्र मोदी यांनी कोणकोणती कामे केलीत याची झलक दर्शविणारी पुस्तिका प्रकाशित केल्यावर ती स्वतःच्या हाताने , स्वतःच्या उपस्थितीत रस्तोरस्ती , वस्त्यात , बाजारातील दुकानं दुकानात पोहोचविण्यासाठी गेली ४ दिवसांपासून पुण्यातील माजी खासदार संजय काकडे यांनी पराकाष्ठा चालविली आहे, सकाळ पासून रात्रीपर्यंत पावसाची तमा न बाळगता मोदींच्या कार्याबाबत जागृतीची मोहीम ते पुण्याच्या सर्व विधानसभा मतदार संघातून राबवीत आहेत . आपले मोजके कार्यकर्ते बरोबर घेऊन वाहतुकीला अडथळा होणार नाही, लोकांना उपद्रव वाटणार नाही अशा पद्धतीने सुसूत्रता पाळून त्यांनी चालविलेल्या या मोहिमेमुळे आता विरोधी पक्षांना तेवढे जागृत होण्याची गरज भासणार आहे.वडगाव शेरी, पुणे कँटोमेंट, कसबा नंतर आज त्यांनी पर्वती विधानसभा मतदार संघात नागरिकांशी संपर्क साधला ,अनेक जुने नवे ओळखीचे चेहरे त्यांना या मोहिमेच्या माध्यमातून भेटले . आणि प्रत्येक ठिकाणी मोदींची प्रशंसा त्यांनी ऐकली .काकडे यांच्या वतीने ही पुस्तिका तयार करण्यात आली असून तिच्या 60 हजार प्रती पुणे लोकसभा मतदार संघात वाटप करण्यात येणार आहेत. त्याचा शुभारंभ बावनकुळे यांच्या हस्ते झाला.पहा आजच्या त्यांच्या जनसंपर्क मोहिमेची एक झलक