मुख्यमंत्रीपदाच्या शर्यतीतील व्यक्तीने बदला वगैरे शब्द वापरले नाही पाहिजेत; काकडे यांच्या वक्तव्याची चर्चा
पुणे-भाजपचे ज्येष्ठ नेते खासदार गिरीश बापट हे आजारी असताना देखील हेमंत रासने यांच्या प्रचारामध्ये सहभागी होऊन पदाधिकारी आणि कार्यकर्त्यांना त्यांनी मार्गदर्शन केले. पण त्यावेळी गिरीश बापट यांना बोलताना होणारा त्रास, तर नाकात ऑक्सिजनची नळी आणि बाजूला सिलेंडर देखील होता. बापटांच्या या प्रचाराबाबत भाजपाचे माजी खासदार संजय काकडे यांनी प्रतिक्रिया दिली आहे.भाजपाचे नेते माजी खासदार संजय काकडे म्हणाले की, गिरीश बापटसाहेब १९६८ पासून प्रचारामध्ये सहभागी होत आलेले आहेत. त्यामुळे घोडा किती ही म्हातारा झाला तरी पळतो. सिंह किती ही म्हातारा झाला तरी मास खातो. त्यामुळे गिरीश बापट यांच्या डोक्यात राजकारणाची एक खुजली असल्याचे काकडे म्हणाले.गिरीश बापट हे प्रचारामध्ये सहभागी होणार नसल्याचे सांगण्यात आले होते. मात्र देवेंद्र फडणवीस यांच्या भेटीनंतर नेमक अस काय झाल त्यावर संजय काकडे म्हणाले की,निवडणुका आल्या की,गिरीश बापट साहेब बाहेर पडतात.त्यामुळे गिरीश बापट यांच्यावर कोणीही दबाव आणला नसून स्व खुशीने प्रचारामध्ये आले आहेत. गिरीश बापट एवढे आजारी असताना निवडणुकीच्या रिंगणात उतरल्याने सर्व कार्यकर्त्यांमध्ये एक जोश आला आहे. देवेंद्र फडणवीस यांनी गिरीश बापट यांना भेटायला जायला म्हणजे झाडावर कावळा बसायला आणि फांदी तुटायला झाली,एकच वेळ झाली असे काकडे म्हणाले .
मुख्यमंत्रीपदाच्या शर्यतीतील व्यक्तीने बदला वगैरे शब्द वापरले नाही पाहिजेत असेही काकडे म्हणाल्याने ..भाजपच्या गोटात चर्चा उसळली आहे.
