पुणे- बापटांच्या निधनामुळे लोकसभेची पोटनिवडणूक होईल? कधी होईल ?का होणार नाही ? असे प्रश्न उपस्थित होत असताना लोकसभेच्या उमेदवारीबाबत मात्र अनेकांनी चाचपणी सुरु केली आहे तर काही वातावरणात हवा सोडण्याची कामे करू लागले आहेत.यावेळी महाविकास आघाडीने एकत्र लढण्याचे ठरवले तर निश्चितच भाजपाचा पराभव होईल असे मानले जाते.मात्र अजित दादांनी कुरघोडी करून पुण्याची जागा कॉंग्रेसला नाही तर राष्ट्रवादीला मिळाली पाहिजे असा दावा सुरु केलेला आहे. एका अर्थी या दाव्याला तसे महत्व देखील आहे.पणअगदी गोपाळ तिवारी जिथे उमेदवारी मागत आहेत त्या कॉंग्रेसच्या ते पचनी पडणार नाही,कॉंग्रेसकडे लोकसभा लढण्यासाठी तगडा उमेदवार म्हणून कोण या दृष्टीने पाहिले तर केवळ रमेश बागवे यांचे नाव पुढे येते,त्यानंतर बागुलांचे नावही काही लोक घेतात बागुल लढणार नाहीत असा राजकीय समीक्षकांचा दावा आहे.पण बागवे तरी मनापासून लढण्यास तयार आहेत काय ? आणि त्यांना मविआ साथ देणार काय ? हे प्रश्न देखील त्याबरोबर पुढे केले जात आहेत.एकूणच त्यांचे नाव वगळले तर कॉंग्रेसकडे विजयी होईलच असा तगडा उमेदवार नसल्याचा दावा होऊ लागल्यानेच अजित पवारांनी या मतदार संघावर दावा करायला सुरुवात केली आहे.पण विशेष म्हणजे राष्ट्रवादीकडे देखील केवळ दीपक मानकर यांच्या शिवाय कोणी तगडा उमेदवार दिसत नाही.प्रशांत जगताप इच्छुक असले तरी त्यांची कार्यशक्ती मर्यादित मानली जाते आणि मानकर यांची कार्यशक्ती त्याहून व्यापक अशी संपूर्ण मतदार संघावर पकड असलेली मानली जाते.आणि मानकर हे कॉंग्रेस मधूनच राष्ट्रवादीत आलेले आहेत.त्यामुळे कॉंग्रेस पक्षात देखील त्यांचे चाहते मोठ्या प्रमाणावर आहेत.
अशा सर्व स्थितीत जेव्हा अजित पवार पुण्याच्या जागेवर राष्ट्रवादीला उमेदवारी मिळावी म्हणून प्रयत्न करतात तेव्हा नेमके त्यांच्या मनात उठणाऱ्या राजकीय समीकरणा बाबत उत्सुकता निर्माण होऊ लागते जी आज राजकीय सामिक्षकात निर्माण झाली आहे.
त्यातच सोशल मिडिया वर व्ह्युअर्स आणि लाइक्स मिळवण्या इतकी लोकसभेची निवडणूक सोपी नसते,पण तरीही या माध्यमांतील गाजावाजा करणाऱ्यांना महापालिकेची निवडणूक देखील जड होणार आहे,अशांनी रिंगणात येऊ अशी हवा करायला सुरुवात केली आहे,त्या केवळ तुम्हाला आम्ही पाडण्यास कारणीभूत होऊ शकतो एवढेच इशारा देण्यापुरत्या मर्यादित असल्याचे मानले जाते असा सूत्रांचा दावा आहे.
भाजपने टिळकांच्या घरात उमेदवारी दिली नाही म्हणून कसबा हारला हा फसवा प्रचार आतापर्यंत अनेक नेत्यांच्या लक्षात आला असेलही,पण बापटांच्या सुनेला तेव्हाच उमेदवारी दिली असती.. तर…हा विचार कोणाच्या मनाला शिवत कसा नाही ? हाच प्रश्न आहे.अर्थात बापटांच्या सुनबाई यांना प्रत्यक्षात प्रचारात उतरता आले नसते ते मतदार देखील जाणून आणि समजून घेणारे होतेच.पण त्या जर कसब्याच्या रिंगणात असत्या तर कॉंग्रेसच उमेदवाराला विजय कठीण होता,आणि बंडखोरी रोखणे कठीण होते.पण आता या भूतकाळाच्या पार्श्वभूमीवर लोकसभेला बापटांच्या घरात उमेदवारी दिली तर..हा विचार केला तर…अनेकंची विभिन्न मते व्यक्त होताना दिसतात.महापालिका पदाधिकाऱ्यापैकी कोणालाही पुन्हा उमेदवारी दिली तर मात्र भाजपचा पराभव होईल असा दावा केला जातो.आणि म्हणूनच भाजपकडे विजयी होण्यासाठी पुढे असलेले नाव आहे ते माजी खासदार संजय काकडे यांचे.ते उद्योजक आहेत आणि सर्व धर्मियात आणि सर्व पक्षात त्यांचा चांगला संपर्क आहे.जो अन्य कुणाहि पेक्षा अधिक सरस आहे असाही दावा देखील केला जातो.
एकूणच सध्याच्या वातावरणात जर पुण्याची लोकसभा पोट निवडणूक झाली तर ती राजकारणात चांगलेच रंग भरेल अशी शक्यता दिसून येते आहे.
