पुणे- मांगडेवाडी कात्रज याठिकाणी कल्पना आनंद क्लिनिक येथे एका डॉक्टरने क्लिनिकमध्ये तपासणी करण्यासाठी आलेल्या, 32 वर्षीय महिलेवर बळजबरीने शारीरिक संबंध करून तिची इच्छा नसताना वारंवार पाठलाग केल्याचा धक्कादायक प्रकार घडला आहे.याप्रकरणी पीडित महिलेने डॉक्टर विरोधात पोलिसांकडे तक्रार दाखल केल्यानंतर पोलिसांनी आरोपी डॉक्टर यास अटक केली आहे.डॉ. अमित आनंदराव दबडे( वय- 29, रा. आंबेगाव खुर्द, पुणे )असे याप्रकरणी अटक करण्यात आलेल्या आरोपीचे नाव आहे.याबाबत पीडित महिलेने भारती विद्यापीठ पोलीस ठाण्यात आरोपी विरोधात तक्रार दाखल केली आहे. 1/7/2022 पासून हा डॉक्टर या महिलेवर अतिप्रसंग करण्याचा प्रयत्न करत होता .
पोलिसांनी दिलेल्या माहितीनुसार,आरोपी डॉक्टर अमित दबडे याचे कात्रज परिसरात मांगडेवाडी या ठिकाणी कल्पनानंद क्लिनिक आहे. सदर क्लिनिकमध्ये तपासणी करण्याकरीता पीडित महिला आल्यानंतर, त्याची तिच्याशी ओळख झाली होती.त्यानंतर डॉक्टरने महिलेचा मोबाईल क्रमांक घेऊन तिला मोबाईल फोनवर मेसेज आणि कॉल करून तिच्याशी गोड गोड बोलून त्याच्या हॉस्पिटलमध्ये बोलून घेतले. त्यानंतर तिचा हात धरून तिच्या छातीला हात लावून परत सदर प्रकाराबाबत माफी मागण्याच्या बहण्याने तिला क्लिनिकमध्ये बोलावले.
त्यानंतर तिला इंजेक्शन घेण्यासाठी कमरेवरचे कपडे खाली करण्यास सांगत, त्यांनी तिच्यासोबत जबरदस्तीने तिची संमती नसतानाही शारीरिक संबंध करून तिच्यावर बलात्कार केला. त्यानंतरही महिलेची इच्छा नसताना तिचा वारंवार पाठलाग करून तिला डॉक्टरने त्रास दिला. अखेर याबाबत महिलेने पोलिसांकडे धाव घेत, डॉक्टर विरोधात तक्रार दाखल केली. त्यानंतर पोलिसांनी याप्रकरणी आरोपीवर गुन्हा दाखल केला. महिला सहाय्यक पोलिस निरीक्षक एस तावडे याबाबत पुढील तपास करत आहे.
