पुणे-आगामी काळात पावसाळ्याच्या धर्तीवर,पुणे शहरातील पुरप्रवण क्षेत्रांतील कामांची व नालेसफाई कामांची पाहणी महापौर मुरलीधर मोहोळ यांनी केली. सदर पाहणीदरम्यान कोथरूड-बावधन, वारजे कर्वेनगर, ढोले पाटील रोड, येरवडा-कळस-धानोरी, नगररोड-वडगावशेरी, वानवडी-रामटेकडी आणि हडपसर-मुंढवा या क्षेत्रिय कार्यालयांच्या अखत्यारितील परिसराची पाहणी करण्यात आली. सदर पाहणीस . शेखर गायकवाड, महापालिका आयुक्त, सौ. सरस्वती शेंडगे,उपमहापौर , . हेमंत रासने, अध्यक्ष, स्थायी समिती,. सुनिल कांबळे, आमदार तथा नगरसेवक,.सौ. दिपाली धुमाळ, विरोधी पक्षनेत्या, पृथ्वीराज सुतार, शिवसेना तसेच सौ. वैशाली बनकर, प्रशांत जगताप, दिपक मानकर, दिलीप बराटे, दिलीप वेडे पाटील, किरण दगडे पाटील,मा.डॉ. सौ. श्रद्धा प्रभुणे,सौ. वासंती जाधव,सौ. अल्पना वरपे,.सौ. हर्षाली माथवड, सौ. छाया मारणे, सौ. वृषाली चौधरी, . दिपक पोटे, जयंत भावे,.सौ. माधुरी सहस्त्रबुद्धे, सुशील मेंगडे, अजय खेडेकर, सचिन दोडके, राजेश बराटे, सौ. मंजुश्री खर्डेकर, उमेश गायकवाड, .सौ. मंगला मंत्री, सौ. शितल सावंत, सौ. फरजाना शेख, अनिल टिंगरे, मुक्ता जगताप, राहूल भंडारे, कर्णे गुरुजी, आदी मान्यवर उपस्थित होते. महापौर यांनी प्रशासनास खालीलप्रमाणे सूचना केल्या
१. पुणे शहरातील जे नाले सिमेंट पाईपद्वारे बंद केले आहेत ते सर्व नाले खुले करून प्रवाहीत करणे.
२. कोथरूड स्मशानभूमी येथील पिण्याच्या पाण्याची लाईन शिफ्ट करणे, कर्ल्व्हट नव्याने बांधणे आणि स्मशानभूमीची भिंत नव्याने उभारणे.
३. शितल हॉटेल, कर्वेनगर परिसरातील नाल्यावरील कर्ल्व्हटच्या खाली जमा झालेला गाळ काढणे.
४. किमया हॉटेल परिसरात पाणी तुंबले जाण्याची समस्या आहे, तरी सदर परिसरातील क्राँनिक स्पॉटची पाहणी रोजच्या रोज करून त्याअनुषंगाने व्यवस्था करणे आणि तेथील पाण्याचा निचरा होण्यासाठी मार्ग उपलब्ध करून देणे.
५. सर्व शहरातील नाल्यावरुन जाणार्या एमएसईबी च्या केबल्स सुरक्षित करण्याबाबत एमएसईबी प्रशासनाशी येत्या काही दिवसांत पत्रव्यवहार करून त्याचा पाठपुरावा करणे.
६. शहरात ज्या ठिकाणी नाल्यांमध्ये कचरा साचतो व ज्या ठिकाणी पुराचे पाणी घुसते अशा ठिकाणी ड्रेनेज विभागाच्या सेवकांमार्फत रोजचे रोज जागा पाहणी करणे व त्या अनुषंगाने आवश्यक ती कार्यवाही करणे.
७. फुलेनगर परिसरात जुने त्रासदायक ठरणारे व नुकसानकारक कर्ल्व्हट तोडून नवीन सुयोग्य कर्ल्व्हट बांधणे.
८. शांतीनगर परिसरातील नाल्यातील कर्ल्व्हट तोडून नाल्याचे पात्र मोठे करणे, शहरातील सर्व नाल्यातील पाण्याचा प्रवाहास अडथळे ठरणारी झाडे – झुडपे संबधित खात्याच्या परवानग्या घेऊन काढणे.
९. पॉवर हाऊस, रास्ता पेठ येथील नाल्यांची साफसफाई करणे.
१०. पुणे शहर व घोरपडी, अनंत टॉकीज येथे कॅन्टोन्मेंट क्षेत्रातील मैलापाण्याबाबत ब्रिगेडीअर यांचेशी पत्रव्यवहार करणे तसेच कॅन्टोन्मेंट क्षेत्रातील मैलापाणी प्रक्रिया न करता सोडल्यास त्यांस शुल्क आकारून महानगरपालिकेने त्यावर प्रक्रिया करणे अथवा कॅन्टोन्मेंट क्षेत्रातील मैलापाण्यासाठी प्रक्रिया प्रकल्पाची व्यवस्था करणेबाबत सुचित करणे.
११. फुलेनगर-येरवडा आंबेडकर सोसायटी परिसरात नाल्यातील काँक्रिटीकरण तोडणे व सादरीकरण करणे.
१२.धानोरी – विश्रांतवाडी येथील मयुर किलबिल परिसरातील नाला साफसफाई व खोलीकरण व कल्व्हर्ट तयार करणे.
१३. धानोरी परिसरातील नाल्यावर अतिक्रमण करून तयार करण्यात आलेली सीमाभिंत आणि दोन पुल पाडणे तसेच संबंधित बांधकाम व्यावसायीकावर तातडीने कारवाई करण्याबाबतचे आदेश मा. महापौर यांनी प्रशासनास दिले.
१४. कस्तुरबा नाला (विश्रांतवाडी) येथे काँक्रिटीकरण काढून नाला रुंदीकरण करणे.
१५. साकोरे नगर ( विमाननगर ) येथे ड्रेनजची उर्वरीत कामे त्वरीत सुरू करणे.
१६. विमाननगर येथील कोणार्क पुरम नाला उघडा करणे व राडारोडा काढणे.
१७. फिनिक्स मॉल (नगररोड ) येथील कल्व्हर्टचे काम त्वरीत सुरू करणे.
१८. केशवनगर कल्व्हर्ट येथे पडलेली झाडे काढणे, कचरा उचलणे आणि स्वच्छ संस्थेचे स्वयंसेवक परत कामावर घेणे.
१९.अॅमनोरा पार्क कल्व्हर्टच्या बाजूचा कचरा काढणे.
२०.हडपसर स्मशानभूमी च्या आसपासची पावसाळी कामे करणे.
२१. मंत्री मार्केट, हडपसर परिसरातील नाल्यावरील बांबुचे अतिक्रमण त्वरीत काढणे, त्या परिसरात गेट बांधणे, उपद्रवी ठरत असल्यास अशी झाडे योग्य त्या परवानगी घेऊन काढणे.
२२. छत्रपती शिवाजी महाराज पुतळा परिसर येथील सर्व नाल्यांतील डुकरांवर प्रतिबंध घालणेबाबत त्वरीत कारवाई करणे.
२३. गंगा सॅटेलाईट परिसरात कॅन्टोन्मेंट बोर्डशी चर्चा करून नवीन मोठा पूल बांधण्यासाठी पत्रव्यवहार करणे.
२४.कोंढवा स्मशानभुमी परिसरात नाल्यातील चॅनल फोडून नाला रुंद करणे, नाल्यातील गाळ काढणे, कचरा काढणे, नाल्याची खोली वाढवणे, नाल्यातील राडारोडा काढणे उपद्रवी झाडे झुडपे योग्य त्या परवानगी घेऊन काढणे.