शिवसेना पुणे कॅन्टोन्मेंट बोर्डाचे विभागप्रमुख मनोज घाटे यांची मागणी
पुणे- कॅन्टोन्मेंट बोर्डाच्या सर्वसाधारण बैठकीत पत्रकार व नागरिकांना प्रवेश देण्याची मागणी शिवसेना पुणे कॅन्टोन्मेंट बोर्डाचे विभागप्रमुख मनोज घाटे यांनी केली आहे . नुकत्याच पुणे कॅन्टोन्मेंट बोर्डाच्या सर्वसाधारण बैठकीत पत्रकाराना बसण्यास विरोध करण्यात आला . लोकशाहीचा चौथा स्तंभ म्हणून माध्यमे आपली काम करीत असतात . बोर्डाच्या बैठीकीमधील होणारे महत्वपूर्ण निर्णय जनतेपर्यंत पोहचविण्याचे काम ते आपल्या लेखनीतुन करीत असतात , परंतु , पुणे कॅन्टोन्मेंट बोर्डाचे अध्यक्ष ब्रिगेडियर राजीव सेठी यांनी अंतर्गत बैठक असल्याचे सांगून पत्रकारांना बैठकीस बसण्यास विरोध केला . त्यामुळे शिवसेना पुणे कॅन्टोन्मेंट बोर्ड विभागाच्यावतीने अशा वागणुकीचा निषेध करण्यात आला .
या निषेधांमध्ये प्रणव गणदेविया , , सचिन हिरवे , अरविंद निंबाळकर , सुरज पैलवान , कैलास भोज व अन्य शिवसैनिकांनी पदाधिकारी सहभागी झाले होते