पुणे- अजित पवार यांचा राष्ट्रवादी पक्ष, एकनाथ शिंदेंची शिवसेना सोबत घेऊन आपण खडकवासल्यात यंदा लढत आहोत , येथील लढत आपले भाजपा उमेदवार भीमराव तापकीर यांच्यासाठी अधिक सोपी असेल असे येथे केंद्रीय मंत्री मुरलीधर मोहोळ यांनी म्हटले आहे. मोहोळ म्हणाले , भारतीय जनता पार्टी-महायुतीचे खडकवासला विधानसभेचे अधिकृत उमेदवार भिमरावअण्णा तापकीर यांच्या प्रचार नियोजनासंदर्भात बैठक घेत विविध विषयांवर चर्चा केली. खडकवासला विधानसभा मतदारसंघात सलग तीन वेळा महायुतीला कौल मिळाला असून यंदाही खडकवासल्यात कमळ फुलणार आहे. बैठकीला नगरसेवक, जिल्हा परिषद सदस्य, पंचायत समिती सदस्य उपस्थित होते.
दरम्यान या मतदार संघात मनसेचे मयूरेश वांजळे आणि शरद पवार यांच्या राष्ट्रवादीचे उमेदवार सचिन दाेडके हेही रिंगणात आहेत .मात्र या दोघांची आपसात लढत होईल आणि भाजपच्या उमेदवाराला लढत सोपी होईल असा दावा भाजपकडून केला जातो आहे.
