नागपूर – नागरिकांना व्यायामाकरिता फिरण्यासाठी तसेच लहान मुलांना खेळण्यासाठी शहरातील शासकीय संस्थांची मैदाने उपलब्ध करून देण्याची मागणी आमदार सिद्धार्थ शिरोळे यांनी विधानसभेत शुक्रवारी लक्षवेधी सूचनेद्वारे केली.
छत्रपती शिवाजीनगर मतदारसंघात कृषी महाविद्यालय, पोलीस ग्राऊंड, सीओईपी, औंध आयटीआय, पॉलिटेक्निक कॉलेज आदी शासकीय संस्था आहेत. या शासकीय संस्थांच्या मैदानामध्ये नगरीकांना व्यायामासाठी येण्यास परवानगी नाकरण्यात येत आहे. पुणे शहरात मोजकीच मैदाने आहेत. त्यातही नागरिकांना परवानगी देण्यात आली नाही तर नागरिक व्यायामासाठी जाणार कुठे? फिरण्याची सुविधा नसल्याने आरोग्याचा प्रश्न निर्माण होतो. विशेषतः ज्येष्ठ नागरिकांना हा प्रश्न अधिक भेडसावतो. तसेच मुलांना शारीरिकदृष्ट्या खेळ महत्वाचा आहे. त्यांनाही मैदानांची गरज आहे. तरी ही सर्व शासकीय संस्थांची मैदाने नागरिकांना व्यायामासाठी व मुलांना खेळण्यासाठी खुली करण्यात यावीत, असे मुद्दे आमदार शिरोळे यांनी ही मागणी करताना मांडले.