पुणे- मागील पाच वर्षात महायुती व महाविकास आघाडी सरकार मी जवळून पाहिले आहे. अनेक सामाजिक प्रश्न उभे राहिले, महिला अत्याचार, बेराेजगारी, शेतकरी आत्महत्या, असंघटित कामगार प्रश्न, महागाई आदी प्रश्न तसेच आहे. करदात्याने दिलेल्या कराचा विनियाेग्य खर्च करण्याची त्यांची इच्छा आहे त्यादृष्टीने प्रयत्न करण्यात येईल. प्रस्थापितांना शह देण्यासाठी व राज्याचा सातबारा हा काेणा एका पक्षाची, नेत्याची मक्तेदारी नाही हे दाखवून देत आहे. राज्यात टाेळीयुध्दा प्रमाणे राजकारण सुरु असून राजकारणाचा स्तर रसातळाला गेला आहे असे मत माजी खासदार राजू शेट्टी यांनी पत्रकारांशी बाेलताना व्यक्त केले.
शिवाजीनगर येथील स्वराज भवन येथे छत्रपती संभाजीराजे, स्वाभिमानी शेतकरी संघटनेचे माजी खा.राजू शेट्टी, स्वतंत्र भारत पक्षाचे वामनराव चटप, महाराष्ट्र राष्ट्र समितीचे शंकरराव धाेंडगे, भारतीय जवान किसान पक्षाचे नारायण अंकुश यांनी भेट घेऊन चर्चा केली. सर्व नेत्यांची एकत्रित व्हीव्हीआयपी सर्किट हाऊस येथे गुरुवारी बैठक हाेऊन पुढील दिशा ठरविण्याचा निर्णय घेण्यात येणार आहे.
या वेळी संभाजीराजे म्हणाले की, निवडणुकीत लाेकांना वेगळा पर्याय पाहिजे आहे त्यादृष्टीने आम्ही समविचारी सर्व संघटना, पक्ष एकत्रित येत आहे. शेतकरी संघटनेचे अनेक नेते आमच्यासाेबत आहे सर्वांचा मिळून एकसमान धाेरण ठरविण्याबाबत चर्चा केली जात आहे. स्वातंत्र्यानंतर ७५ वर्षात अनेकजण वेगवेगळया पक्षात साेईनुसार उड्या मारत आहे. देश कृषीप्रधान असून शेतकऱ्यांनाच त्रास हाेत असेल तर विकासाकडे आपण जाणार कसे आहे. शेतकरी नेते विविध संघटनाचे ते एकत्रित यामाध्यमातून येत असून परिवर्तन आघाडी यापुढे कार्यरत असेल. राज्यात एक सक्षम पर्याय तिसरी आघाडी माध्यमातून देण्यात येईल.
राजू शेट्टी म्हणाले की, देशात सर्वाधिक शेतकरी आत्महत्या महाराष्ट्र मध्ये हाेत आहे. शेतकरी अडचणीत सापडलेला असून त्यांचे प्रश्न मार्गी लावण्यासाठी वेगवेगळे नेते एकत्रित येत आहे. पुण्यात सर्वांची एकत्रित बैठक घेऊन सक्षम पर्याय व आश्वासक चेहरा निवडून त्यामागे ताकद उभी करण्याचा आमचा प्रयत्न आहे. वंचित बहुजन आघाडीचे नेते प्रकाश आंबेडकर यांच्याकडून आमच्यासाेबत येण्याचा काेणता प्रस्ताव आलेला नाही. स्वत:चे अजेंडे मागे ठेवून समान धाेरण कार्यक्रमावर एकत्रित यावे असे प्रयत्न केले जातील हा प्रश्न यंदा यशस्वी ठरेल, असा विश्वास त्यांनी व्यक्त केला.
