पुणे-पुण्यात मुसळधार पाउस सातत्याने सुरु आहे , मुठेचे पात्र आता धरणातून हळू हळू ३५ हजार क्युसेक्स विसर्ग धरणातून झाल्याने दुथडी भरून वाहते आहे . आणि नदीचे हे दुथडी भरून वाहणाऱ्या पाण्याचा पूर पाहून पुणेकरांना धडकी भरते आहे. निसर्गावर केलेले आक्रमण स्मरते आहे. नदीचे पाणी केवळ पुलांना स्पर्श करू पाहत नाही तर ते केळकर रस्त्याच्या लागत पर्यंत पोहोचले आहे . सिंहगड रस्त्याची अवस्था तर खूपच बोलकी आहे असंख्य सोसायट्यांमध्ये कमरे एवढे पाणी शिरले आहे .
*एनडीआरएफच्या पथकांना पाचारण, बोटीही बचाव कार्यात दाखल
*नागरिकांना घाबरून न जाता प्रशासनाला सहकार्य करण्याचे आवाहन
*मुख्यमंत्री आणि उपमुख्यमंत्र्यांची जिल्हाधिकाऱ्यांशी चर्चा, मदत कार्याला गती देण्याचे निर्देश, नागरिकांना आवश्यक सुविधा पुरविण्याचे निर्देश
*एकता नगर भागातील मदत कार्याचाही अधिकाऱ्यांकडून आढावा घेतला.
*पाणी असलेल्या सखल भागातील *नागरिकांना सुरक्षित ठिकाणी हलविण्याचा सूचना.
*उपमुख्यमंत्री अजित पवार जिल्हाधिकाऱ्यांशी सातत्याने संपर्कात, मदत कार्याला गती देण्याचे निर्देश
*पावसाचा जोर लक्षात घेता पुणे शहर, पिंपरी चिंचवड भागातील कार्यालये व इतर अस्थापनांना सुटी देण्याचे जिल्हाधिकाऱ्यांचे निर्देश
*पुणे महानगरपालिकेच्या ८ बोटी आणि बचाव पथक मदातकार्यासाठी नियुक्त
*विद्युत धक्का लागल्याने नदीपात्रात स्टॉल्स काढण्यासाठी गेलेल्या तीन नागरिकांचा मृत्यू
*पुरात अडकलेल्या नागरिकांना खाद्य पदार्थ व पिण्याच्या पाण्याची सुविधा करण्याच्या जिल्हाधिकाऱ्यांच्या सूचना
