पुणे-पुणे हिट ॲंड रन प्रकरणात अग्रवाल यांच्या कारचालकावर तो कर चालवत नसताना तोच चालवत असल्याचे सांगण्यासाठी दबाव होता, असे पुणे पोलिस आयुक्त अमितेश कुमार यांनी म्हटले आहे. येरवडा पोलिस ठाण्यात आरोपी पिझ्झा पार्टी देण्यात आली नाही, असेही पोलिस त्यांनी या प्रकरणी स्पष्ट केले आहे.येरवडा पोलिस ठाण्यात पोलिसांची पिझ्झा पार्टी झाल्याचे अद्याप दिसून आले नाही. पहिला आरोपीचा ब्लड नमुना हा सकाळी आठ वाजता गुन्हा दाखल झाल्यावर 11 वाजता करण्यात आली. तर दुसरा ब्लड रिपोर्ट हा सायंकाळी सात ते आठ वाजता घेण्यात आली. पुराव्यात ज्यांनी हस्तक्षेप केला त्यांच्यावर कलम 201 नुसार कारवाई करण्यात येईल, असेही त्यांनी म्हटले आहे.
पोलिस आयुक्त म्हणाले की, घटनेच्या दिवशी अल्पवयीन आरोपी हा कार चालवत नव्हता तर कार चालक गाडी चालवत होता असे सुरवातीला सांगण्यात येत होते. काही घटनाक्रम बदलणे प्रयत्न झाल्याचे दिसून येत आहे. कार चालक याने मी गाडी चालवत होतो असे सुरुवातीला सांगितले याबाबत नेमका कोणाचा दबाव होता, याबाबत चौकशी केली जाणार आहे. पोलिसांकडून जी कारवाई करण्यात आली ती नियमाने करण्यात आली. या घटनेबाबत दोन एफआयआर करण्यात आले आहे. मात्र, हे एकच एफआयआर घटना असल्याचे कोर्ट डायरी आहे अशी माहिती पुणे पोलिस आयुक्त अमितेश कुमार यांनी पत्रकारांशी बोलताना दिली.
अमितेश कुमार म्हणाले की, कल्याणीनगर अपघात प्रकरणात मध्यरात्री अडीच वाजता प्रकार घडलं आहे. त्यानंतर गुन्हा दाखल होऊन आरोपी यांच्यावर कलम 304 लावण्यात आले आहे. त्याचदिवशी बाल न्यायालय यांच्याकडे अल्पवयीन आरोपी यास सज्ञान समजून सुनावणी करावी तोपर्यंत त्यास बाल सुधारगृहात ठेवावे असे याचिका दाखल केली. पण ती फेटाळून लावली होती. त्यानंतर पुन्हा आम्ही याबाबत न्यायालयात दाद मागितली आणि आवश्यक पुरावे दिले त्यानुसार मुलास 14 दिवस बाल सुधारगृहात पाठवण्यात आले.याबाबत आरोपी यांचे वडील यांच्यावर देखील गुन्हा दाखल करून अटक करण्यात आली आहे. ही केस आम्ही गांभीर्याने तपास करत आहे. आवश्यक पुरावे, तांत्रिक पुरावे आम्ही गोळा करत आहे. पुरावे कोणी नष्ट करण्याचा प्रयत्न केला याबाबत सहायक पोलिस आयुक्त दर्जाचे अधिकारी तपास करत आहे. अपघात मध्ये जे मयत झाले त्यांना लवकर न्याय देण्याचा प्रयत्न करत आहे. याप्रकरणात विशेष सरकारी वकील नेमण्यात येणार आहे.
पोलिस यांच्याकडून कारवाईस दिरंगाई झाली असे सांगितले जाते पण पोलिस याबाबत कोणते चुका होणार नाही हे लक्षात घेऊन चौकशी करत आहे. सुरवातीला कलम 304 लावण्यात आला नाही किंवा आरोपीला सुविधा देण्यात आल्या याबाबत तपास करण्यात येत आहे. याबाबत त्यास विशेष सेवा पुरवली यात काही तथ्य नाही. जनता यास आमचे आव्हान आहे की, आम्ही याबाबत योग्य तपास करून त्याला तडीस नेऊ. या घटनेत आरोपी याचे ब्लड रिपोर्ट अद्याप प्राप्त झाले नाही. केस आमची केवळ ब्लड रिपोर्ट वर अवलंबून नाही.