मुंबई- भारतीय हवामानशास्र विभाग (IMD) आणि इंडियन नॅशनल सेंटर फॉर ओशियन इनफॉर्मेशन सर्व्हीस मार्फत इशारा देण्यात आला आहे येत्या 36 तासांच्या कालावधीत समुद्रात जास्त उंचीच्या लाटा उसळण्याची शक्यता असू नागरिकांनी समुद्रात जाणे टाळावे, यंत्रणांना सहकार्य करावे असे आवाहन बृहन्मुंबई महानगरपालिकेने केले आहे.
IMD आणि INCOIS (इंडियन नॅशनल सेंटर फॉर ओशन इन्फॉर्मेशन सर्व्हिस) ने आज सकाळी 11:30 पासून पुढील 36 तासांसाठी मुंबई आणि जवळपासच्या किनारपट्टी भागात समुद्राच्या उंच लाटांचा इशारा दिला आहे. समुद्राच्या लाटा 0.5 मीटर ते 1.5 मीटर दरम्यान वाढू शकतात. बीएमसीने लोकांना किनारपट्टीच्या जास्त जवळ न जाण्याचा सल्लाही जारी केला आहे. तटीय सुरक्षा रक्षक आणि जीवरक्षक यासारख्या आपत्कालीन सेवा देखील तैनात केल्या आहेत असेही महापालिकेने म्हटले आहे.