पुणे: शिवसेना महिला आघाडीच्या भव्य जिल्हास्तरीय महिला स्नेह मेळाव्याचे आयोजन काल हडपसर मधील हिंदुहृदयसम्राट बाळासाहेब ठाकरे मैदान येथे केले होते. पुणे जिल्ह्यातील लोकसभा महायुतीचे अधिकृत चारही उमेदवारांच्या प्रचारार्थ हा मेळावा घेण्यात आला. या मेळाव्यात विधान परिषदेच्या उपसभापती,शिवसेना नेत्या डॉ.नीलमताई गोऱ्हे अध्यक्षस्थानी होत्या. जिल्ह्यातील विविध भागातून आलेल्या हजारो शिवसैनिक महिला पदाधिकाऱ्यांनी या मेळाव्यात सहभाग घेतला.
महिलांचे सक्षमीकरण करण्यासाठी त्यांचा राजकीय व समाजिक सहभाग वाढविणे गरजेचे आहे. तसेच स्वतःच्या हक्कांबद्दल, अधिकारांबद्दल अधिक जाणकार होण्यासाठी समाज माध्यम व तंत्रज्ञानाचा शिकाऊ वृत्तीने वापर करणे आवश्यक आहे जेणेकरून महिला आपले प्रश्न व समस्या अशा व यासारख्या मध्यवर्ती मेळाव्यात मांडू शकतील असे आवाहन नीलमताईंनी महिलांशी संवाद साधताना केले.
महिला सक्षमीकरणाचे महायुतीच सरकारचे धोरण असून राज्यातील महिला बचत गटांना एकनाथ शिंदे साहेबांनी दुप्पट अर्थ साहाय्य मंजूर केल्याचे यावेळी नमूद केले
यावेळी शैला पाचपुते, कांताताई पांढरे, सीमा कल्याणकर,गीतांजली ढोणे, सुदर्शना त्रिगुणाईत, सारिका पवार, श्रद्धा शिंदे, श्रुती नाझीरकर, चैत्राली गुरव, सुनीता उकिरडे आणि नेहा शिंदे, सुरेखा शिंदे,हेमांगी बांदल, स्मिता साबळे, अयोध्या आंधळे, सुनीता उकिरडे, राजश्री माने, निशिगंधा माने, प्रतिमा बोबडे, ज्योती अभांगे, पल्लवी ढाके या पुणे जिल्हा व शहर महिला पदाधिकारी या मेळाव्याला उपस्थित होत्या.