घटना ऐकून मन हेलावले
पुणे.दि.६: दौंड तालुक्यातील देऊळगाव राजे येथे अवघ्या ९ वर्षांच्या मुलीची हत्या केल्याची घटना समोर आली आहे. या घटनेची विधानपरिषद उपसभापती व शिवसेना नेत्या डॉ. नीलम गोऱ्हे यांनी गंभीरपणे दखल घेत, पुणे ग्रामीण पोलिस अधीक्षक यांना लेखी निवेदन दिले आहे.
या निवेदनाद्वारे डॉ. गोऱ्हे यांनी सखोल तपास, तांत्रिक व भौतिक पुरावे गोळा करण्यासह खटला फास्ट ट्रॅक कोर्ट मध्ये चालवण्याची मागणी केली आहे. पीडित कुटुंबातील इतर सदस्यांना, विशेषतः साक्षीदार असलेल्या लहान मुलाला योग्य संरक्षण देण्याची आणि पीडित कुटुंबियांना कुशल वकील उपलब्ध करून देण्याची विनंती केली आहे.
“ही अत्यंत हृदयद्रावक आणि मन हेलावणारी घटना आहे. एक चिमुरडी मुलगी किरकोळ कारणावरून मारली जाणे हे अत्यंत गंभीर आहे. समाजात योग्य संदेश जाण्यासाठी आरोपीला कठोर शासन झाले पाहिजे. साक्षीदार असलेल्या लहान मुलाला सुरक्षित व मानसिक दिलासा देता येईल अशा ठिकाणी व्यवस्था करणे आवश्यक आहे. तसेच त्याचे मानसिक समुपदेशन करणे गरजेचे आहे. यासारखीच घटना सांगलीतील आटपाडी मध्ये दि.२७ मार्च दोन मुलींना उलटे टांगुन ठेवल्याने एका मुलीचा मृत्यु झाल्याची घटना घडल्याचे असल्याचे डॉ. गोऱ्हे यांनी नमूद करून आई वडिलांना वा कुटुंबीय यांच्या नकारात्मक भुमिकेवर काम करायची गरज व्यक्त केली
