पुणे-येथील भारती विद्यापीठ परिसरात चालणाऱ्या एक मसाज सेंटर वर छाप टाकून येथे सुरू असलेल्या वेश्या व्यवसायातून 5 मुलींची सुटका पोलिसांनी केले आहे.
या संदर्भात पोलिसांनी अधिकृत रित्या दिलेली माहिती अशी की,’दिनांक १७/०४/२०२६ रोजी अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर यांना मिळालेल्या गोपनीय माहितीवरून ” योग आयुर्वेदिक पोटली मसाज सेंटर”, स.नं ३४/३, व्यंकटेश ब्लॉसम सोसायटी, दुसरा मजला, फ्लॅट नं २०२, दत्तनगर भारती विदयापिठ रोड, पुणे येथे मसाज सेंटरच्या नावाखाली महिलांकडुन वेश्याव्यवसाय करुन घेत असले बाबत गोपनिय बातमी प्राप्त झाली. या बाबत पोलीस निरीक्षक छगन कापसे अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर यांचे मार्गदर्शनाखाली तात्काळ बातमीची पडताळणी करुन बनावट ग्राहक याचे साहयाने सदर बातमीची खात्री करुन ” योग आयुर्वेदिक पोटली मसाज सेंटर”, येथे अचानक छापा टाकुन महिला मसाज सेंटर मध्ये आणलेल्या ०५ पिडीत महिलांची सुटका करण्यात आली आहे. तसचे सदर मसाज सेंटर चे मालक दोन इसम यांचे विरुध्द दि.१८/०३/२०२६ रोजी भारती विदयापिठ पोलीस स्टेशन पुणे येथे भा.न्या.सं १४३(१) (३), ३ (५) अनैतिक मानवी वाहतूक व्यापार प्रतिबंध अधिनियम १९५६ चे कलम ३,४,५, प्रमाणे गुन्हा नोंद करण्यात आला आहे.
वकारवाई ही पोलीस आयुक्त अमितेश कुमार, सह. पोलीस आयुक्त, रंजनकुमार शर्मा, अपर पोलीस आयुक्त, गुन्हे पंकज देशमुख, यांचे मार्गदर्शनाखाली पोलीस उप-आयुक्त, गुन्हे,निखील पिंगळे, सहा पोलीस आयुक्त, गुन्हे. ३, शंकर खटके, पोलीस निरीक्षक छगन कापसे, पोलीस अंमलदार आंधळे, भिवरकर, जाधव, नदाफ, भुजबळ, म.पो. अंगलदार कंक, गुन्हे शाखा पुणे शहर यांनी केली आहे.
