10 वर्षांत मुंबईत एकही अतिरेकी हल्ला नाही
मुंबई-मी काँग्रेस सोडेण असे कधी वाटले नव्हते, असे म्हणतानाच आजचा दिवस स्पेशल म्हणताना डोळ्यात पाणी आले असून ते भावूक झाल्याचे पाहायला मिळाले. लोकांची सेवा हीच माझी विचारधारा असल्याचे सांगताना शिवसेना आणि माझे जुने नाते आहे माझ्या वडीलांना शिवसेनेने महपौर केले. तर बाळासाहेब ठाकरे हे माझ्या वडीलांना महाराष्ट्राचे जावई म्हणत होते असे सांगताना त्यांनी आपले शिवसेनेसोबत चांगले संबंध असल्याचे सांगितले आहे.
केंद्र,राज्यात मजबूत सरकारची गरज आहे. केंद्रात मोदींच्या नेतृत्वात भारत मजबूत आहे. तर महाराष्ट्रात मुख्यमंत्री एकनाथ शिंदे यांच्या नेतृत्वात महाराष्ट्र मजबूत आहे, सुरक्षित आहे. लोकांना सहज भेटणारा एवढा मोठा मुख्यमंत्री मी कधीच पाहिला नाही. गेल्या 10 वर्षात मुंबईवर एकही दहशतवादी हल्ला झाला नाही. हे केवळ मोदी आणि शिंदे यांच्या धोरणांमुळे हे शक्य झाले,असे मत माजी केंद्रीय मंत्री मिलिंद देवरा यांनी व्यक्त केले आहे.
मिलिंद देवरा पुढे बोलताना म्हणाले की, मुख्यमंत्री शिंदे हे खूप मेहनती व्यक्तिमत्व आहे. शिंदेंना महाराष्ट्राचा हितासाठी चांगले लोक हवे आहेत. मी काँग्रेसमध्ये खूप कठीण काळात राहिलो पण आता काँग्रेसमध्ये आता पहिल्या सारखी काँग्रेस राहिली नाही, तशी काँग्रेस असती तर आज मला आणि एकनाथ शिंदे यांना हा निर्णय घ्यावा लागला नसता, असे म्हणत काँग्रेस सोडण्यासाठी काँग्रेस पक्षावर टीकास्त्र डागले आहे.
मिलिंद देवरा पुढे बोलताना म्हणाले की, शिवसेनेच्या माध्यमातून पंतप्रधान नरेंद्र मोदी यांच्यासह अमित शहा यांचे हात बळकट करणार आहोत. गेल्या 10 वर्षांत मुंबईत एकही अतिरेकी हल्ला झाला नाही. त्यांचे काम खूप चांगले आहे.
माझे वडील मुरली देवरा हे बाळासाहेबांच्या आशीर्वादाने मुंबईचे महापौर झाले.
मिलिंद देवरा म्हणाले की, पक्षात प्रवेश केल्यानंतर मिलिंद देवरा यांनी उपस्थितांना संबोधित केले. आमचे शिवसेनेशी जुने नाते आहेत. माझे वडील मुरली देवरा हे बाळासाहेबांच्या आशीर्वादाने मुंबईचे महापौर झाले. माझे आईचे माहेरचे नाव फणसाळकर असल्याने बाळासाहेब मुरली भाईंना प्रेमाणे महाराष्ट्राचे जावई म्हणायचे. माझे वडील आणि शिंदे यांच्यात एक समानता आहे. दोघेही सामान्य कुटुंबातून आले आहेत. दोघांनीही नगरसेवक म्हणून सुरुवात केली. मुरलीभाई केंद्रात मंत्री झाले. तुम्ही मेहनतीने मुख्यमंत्री झाला. माझ्यावर चुकीचा आरोप होण्याआधी मला शिंदे यांनी पक्षात प्रवेश करण्याचे आमंत्रण दिले. शिंदे साहेबांना मुंबई महाराष्ट्राच्या हितासाठी काम करू शकणारे चांगले लोक हवे आहेत. मी खासदार बनून चांगले काम करू शकतो, असे एकनाथ शिंदे यांचे मत आहे. त्यांनी विश्वास टाकला. त्याबद्दल आभार मानतो, असे मिलिंद देवरा म्हणाले.
मिलिंद देवरा म्हणाले की, माझ्यासोबत काही मराठी भाषिक, काही हिंदी भाषिकही आहेत. सकाळपासून अनेक लोकांचा फोन येत आहे. तुम्ही कुटुंबासोबतचे नाते का तोडले असे सांगितले जात आहे. मी पक्षाच्या आव्हानाच्या काळातही पक्षाशी निष्ठावंत राहिलो. पण दुखाची गोष्ट म्हणजे आजची काँग्रेस आणि 1968च्या काँग्रेसमध्ये खूप फरक आहे. मेरिट आणि योग्यतेला काँग्रेसने महत्त्व दिले असते तर मी इथे बसलो नसतो. एकनाथ शिंदे यांना मोठा निर्णय घ्यावा लागला. मलाही घ्यावा लागला. 30 वर्षापूर्वी मनमोहन सिंग यांनी अर्थमंत्री असताना आर्थिक सुधारणा केली होती. त्यावेळी काँग्रेसने केवळ उद्योगपतींना शिव्या घातल्या. उद्योगपतींना देशद्रोही म्हटले.आज हीच पार्टी मोदींच्याविरोधात बोलत आहे. उद्या मोदींनी काँग्रेस चांगला पक्ष आहे असे म्हटले तर त्यालाही विरोध करतील. केवळ मोदी विरोध हाच या पक्षाचा अजेंडा राहिला आहे, असा टोला त्यांनी लगावला.
देवरा यांच्या समवेत शिंदे गटात कोणाकोणाचा झाला प्रवेश
सुशिबेन शहा, राज्य महिला आयोग, माजी अध्यक्ष प्रमोद मांद्रेकर , माजी नगरसेवक सुनिल नरसाळे, माजी नगरसेवक रामवचन मुराई , माजी नगरसेवक हंसा मारु, माजी नगरसेवक अनिता यादव, माजी नगरसेविका रमेश यादव गजेंद्र लष्करी, माजी नगरसेवक प्रकाश राऊत- जनरल सेक्रेटरी मुंबई कॉग्रेस सुशिल व्यास , मारवाडी संमेलन अध्यक्ष पुनम कनोजिया संजय शहा, डायमंड मर्चंट, जैन सेवा संघ- अध्यक्ष दिलीप साकेरिया – मुंबई काँग्रेस राजस्थानी सेल- अध्यक्ष हेमंत बावधनकर- निवृत्त पोलिस अधिकारी राजाराम देशमुख, सचिव- मुंबई कॉग्रेस – विश्वस्त सिद्धीविनायक मंदीर त्रिंबक तिवारी- सेक्रेटरी, मुंबई कॉग्रेस कमिटी कांती मेहता- ऑल इंडीया जैन फेडरेशन अध्यक्ष 85 वर्षीय काॅग्रेसचे कार्यकर्ते जवाहरभाई मोतीचंद यांचा शिंदे गटात प्रवेश
