मुंबई–
राज्याचे पोलिस महासंचालक रजनीश सेठ हे रविवारी सेवानिवृत्त झाले आहेत. आता राज्याच्या पोलिस महासंचालकपदाचा अतिरिक्त कार्यभार मुंबईचे पोलिस आयुक्त विवेक फणसाळकर यांच्यातडे सोपवण्यात आला आहे. फणसाळकर यांच्याकडे पोलिस महासंचालक पदाचा पदभार पुढील आदेश येई पर्यंत असणार आहे. त्यामुळे आता राज्याच्या पोलिस महासंचालकपदी कोणाची नियुक्ती होते, हे पाहणे औत्सुक्याचे ठरणार आहे.
मिळालेल्या माहितीनुसार, विवेक फणसाळकर यांच्याकडे पोलिस महासंचालक पदाचा तात्पुरता पदभार सोपवण्यात आला. पुढील आदेशापर्यंत त्यांच्याकडे हा कार्यभार राहणार आहे.यातच गेल्या दोन दिवसांपासून केंद्रीय सशस्त्र सीमा बलाच्या प्रमुख रश्मी शुक्ला महाराष्ट्राच्या नव्या पोलिस महासंचालक होतील, अशी चर्चा होती. केंद्रीय लोकसेवा आयोगाने त्यांची निवड करण्यासाठी ग्रीन सिग्नल दिल्याचेही बोलले जात होते.