;राष्ट्रीय होलार समाज संघाचे संस्थापक आणि राष्ट्रीय अध्यक्ष माणिक भंडगेंनीही राष्ट्रवादीचे घड्याळ बांधले हाती…
मुंबई दि. २७ डिसेंबर – राष्ट्रवादी काँग्रेसचे राष्ट्रीय अध्यक्ष उपमुख्यमंत्री अजितदादा पवार व राष्ट्रवादी काँग्रेसचे प्रदेशाध्यक्ष खासदार सुनिल तटकरे यांच्या हस्ते महाराष्ट्र राज्य मजूर सहकारी संघाचे अध्यक्ष संजीव राजाराम कुसाळकर व महाराष्ट्र राज्य सहकारी संघाचे अध्यक्ष रामदास शंकर मोरे यांनी राष्ट्रवादी काँग्रेसमध्ये आज जाहीर पक्षप्रवेश केला.
संजीव कुसाळकर व रामदास मोरे यांच्या प्रवेशाने पक्षाला निश्चित बळ मिळेल व पक्षाचा प्रभाव अधिक वाढवण्यासाठी सहकार्य लाभेल असा विश्वास प्रदेशाध्यक्ष सुनिल तटकरे यांनी व्यक्त केला.
याशिवाय राष्ट्रीय होलार समाज संघाचे संस्थापक आणि राष्ट्रीय अध्यक्ष माणिक भंडगे व त्यांच्या सहकाऱ्यांनीही राष्ट्रवादी काँग्रेसमध्ये जाहीर प्रवेश केला.
यानंतर राष्ट्रवादी काँग्रेसचे राष्ट्रीय अध्यक्ष उपमुख्यमंत्री अजितदादा पवार यांच्या प्रमुख उपस्थितीत आणि प्रदेशाध्यक्ष खासदार सुनिल तटकरे यांच्या मान्यतेने युवक प्रदेशाध्यक्ष सूरज चव्हाण यांनी नितीन दिंडे यांची कोल्हापूर ग्रामीण जिल्हाध्यक्षपदी नियुक्ती केली.
यावेळी वैद्यकीय शिक्षण मंत्री हसन मुश्रीफ, प्रदेश सरचिटणीस लतिफ तांबोळी, कोल्हापूर शहराध्यक्ष आदील फरास, प्रदेश युवक सरचिटणीस अमर पाटील तसेच इतर पदाधिकारी उपस्थित होते.
याशिवाय राष्ट्रवादी काँग्रेसचे प्रदेशाध्यक्ष खासदार सुनिल तटकरे यांच्या मान्यतेने महिला प्रदेशाध्यक्ष रुपाली चाकणकर यांनी सौ. भावना नखाते यांची परभणी महिला जिल्हाध्यक्षपदी नियुक्ती केली. यावेळी महिला प्रदेशाध्यक्षा रुपालीताई चाकणकर, आमदार विक्रम काळे, प्रदेश सरचिटणीस शिवाजीराव गर्जे, प्रदेश सरचिटणीस लतिफ तांबोळी उपस्थित होते.
हेमंत सालदुरकर यांची पक्षाच्या प्रदेश सचिवपदी नियुक्ती करण्यात आली तर इर्शाद जहागिरदार यांची पक्षाच्या प्रदेश सरचिटणीसपदी नियुक्ती करण्यात आली आहे.