तिसर्या आंतरराष्ट्रीय ‘लेसर डेन्टीस्ट्री’ परिषदेत 400 तज्ज्ञांचा सहभाग ‘लेसर सर्जरी हे दंतविज्ञानाचे नवे दालन ठरेल’ : परिषदेतील सूर
पुणे :
‘दंतोपचारासाठी ‘लेसर तंत्र’ हे नवे वरदान ठरणार असून, त्याद्वारे सुरक्षित, रक्तविरहीत शस्त्रक्रिया कमी वेळेत करणे शक्य होणार आहे. गुंतागुंतीच्या शस्त्रक्रिया या पारंपारिक पद्धतीपेक्षा लेसर तंत्राने सोप्या होतील’ असा आशावाद ‘लेसर डेन्टीस्ट्री’ या तिसर्या आंतरराष्ट्रीय परिषदेमध्ये व्यक्त झाला.
ही परिषद ‘महाराष्ट्र कॉस्मॉपॉलिटन एज्युकेशन सोसायटी’च्या ‘एम.ए. रंगूनवाला कॉलेज ऑफ डेंटल सायन्स अॅण्ड रिसर्च सेंटर’ मध्ये रविवारी आयोजित करण्यात आली होती. परिषदेत 400 आंतरराष्ट्रीय विशेषज्ज्ञांनी सहभाग घेतला. महाराष्ट्र आरोग्य विज्ञान विद्यापीठ (नासिक) चे अधिष्ठाता डॉ. एस.सी.भोयर यांनी परिषदेचे उद्घाटन केले.
डॉ. अन्ड्रीस मोर्तिज (विभाग प्रमुख व्हिएन्ना विद्यापीठ), डॉ. मार्कस लकी, डॉ. ख्रिस्तोफ क्रझमन या आंतरराष्ट्रीय तज्ज्ञांनी मार्गदर्शन केले. श्रीलंका, संयुक्त अरब अमिरात, मध्यपूर्वेतील देशातील प्रतिनिधीही सहभागी झाले होते.
डॉ. रमणदीप दुग्गल (एम.ए.रंगूनवाला डेंटल महाविद्यालयाचे अधिष्ठाता), आर.ए.शेख (रजिस्ट्रार), डॉ. विवेक हेगडे (उप प्राचार्य) यांनी स्वागत केले.
डॉ. प्रविण कुडवा (अध्यक्ष, इंडियन सोसायटी ऑफ पेरियो डोंटोलॉजी), डॉ. बालाजी मनोहर (सचिव, सोसायटी ऑफ लेसर अॅप्लीकेशन) यांची विशेष उपस्थिती होती. डॉ. गिरीश ब्याकोड, डॉ. संजय जैन, डॉ. समीर जाधव, डॉ. समीर ठुकराल, डॉ. अन्वर शेख, डॉ. नासिर खान, डॉ. लिशा गंगवाल, डॉ. श्रीलता, डॉ. अमीर गोडील, डॉ. श्रेया शहा (एम.ए.रंगूनवाला डेंटल महाविद्यालयातील प्राध्यापक) आदी उपस्थित होते.