इस्कॉनच्या 40 व्या वर्धापन सोहळ्या निमित्त अलौकिक नृत्याविष्कार!
मुंबई -इस्कॉनच्या 40 व्या वर्धापन सोहळ्या निमित्त अभिनेत्री-नर्तिका ग्रेसी सिंग यांनी इस्कॉन, जुहू येथे आपल्या टीमसह नृत्याविष्कार सादर केला. कवी नारायण अग्रवाल द्वारा आयोजित या कार्यक्रमास अभिनेत्री हेमा मालिनी, डॉ. राजन शंकरन, द अदर सॉंगच्या डॉ. मेघना शाह, डॉ.सोमा घोष, सुभंकर घोष, विवेक प्रकाश यांच्यासह अनेक मान्यवर उपस्थित होते.
लगान मधील गौरी असो वा कृष्णाच्या प्रेमात तल्लीन झालेली राधा परिधान केलेल्या प्रत्येक वेशभूषेत तितकीच अलौकिक दिसणारी अभिनेत्री ग्रेसी सिंग म्हणते की, “आज हा इथे साकारलेला नृत्याविष्काराचा शो माझ्यासाठी विशेषतः कठीण होता कारण मी सहसा एक तासाचा शो करते परंतु हा दोन तासांचा शो होता.आज मी माझ्या नृत्यात भरतनाट्यम, कथक, मणिपुरी आणि बॅलेट शैलीचा समावेश केला होता आणि हे माझ्यासाठी खूपच आव्हानात्मक होते. तथापि इस्कॉनसाठी अशाप्रकारचे कार्य करण्याची एक दिव्य संधी मला मिळाली. आज येथे नृत्य सादर करताना जणू काही कृष्णचं आमच्यासोबत स्टेजवर अवतरला आल्याची भावनाचं मला फार सुखावून जाणारी होती.”