मुंबई दि. 22 – आगामी मुंबई महापालिका निवडणुकीत भाजप सोबत आरपीआय युती करेल. भाजप आरपीआय च्या युतीचा मुंबई महापालिकेत विजय नक्की होईल त्यात भाजपचा महापौर तर आरपीआय चा उपमहापौर निवडून येईल असा विश्वास रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्य मंत्री ना रामदास आठवले यांनी आज व्यक्त केला.
आगामी मुंबई महापालिका निवडणूक जिंकण्यासाठी भाजप आणि शिवसेना आपआपल्या पद्धतीने कार्यरत झाले आहेत. भाजप विरुद्ध शिवसेना असा प्रमुख सामना मुंबई महापालिका निवडणुकीत होणार असुन त्यात आरपीआय ची भीमशक्ती ज्यांच्या बाजूने त्यांचा विजय निश्चित असल्याने रिपब्लिकन पक्ष भाजपला समर्थन देणार आहे. त्यासाठी लवकरच आपण माजी मुख्यमंत्री देवेंद्र फडणवीस यांची भेट घेऊन मुंबई महापालिका निवडणुकीची व्यूहरचना ठरविणार असल्याचे ना रामदास आठवले यांनी आज प्रसिद्धी माध्यमांशी बोलताना सांगितले.