पुणे-पुणे महापालिकेत आलेल्या भाजपचे माजी खासदार किरीट सोमय्या यांना शिवसेनेकडून अडविताना धक्काबुक्की करण्यात आली या धक्काबुक्कीदरम्यान सोमय्या हे पायऱ्यांवरुन कोसळले आणि त्यांच्या सुरक्षा रक्षकांनी अक्षरशः त्यांना उचलून गाडीत पुन्हा घातले आणि गाडी महापालिकेबाहेर काढण्याचा यत्न केला तेव्हा सेनेचे शहर प्रमुख संजय मोरे धावत जाऊन गाडीपुढे झोपल्याने चालकाला गाडी थांबवावी लागली अखेरीस सुरक्षा रक्षकांनी बळाच्या जोरावर शिवसैनिकांना बाजूला करत सोमैय्या यांना रुग्णालयात पोहोचविले आहे.त्यानंतर सायंकाळी संचेती हॉस्पिटलच्या डॉक्टरांनी माध्यमांना सांगितले कि , सोमैय्या यांची तब्बेत चांगली आहे ,मुक्क मार लागला आहे , एक दिवस निरीक्षणाखाली ठेवून उद्या त्यांना रुग्णालयातून सोडता येवू शकेल असे वाटते आहे .
किरीट सोमय्या हे सध्या पुणे दौऱ्यावर असून, पुणे महानगरपालिकेत धक्काबुक्कीचा प्रकार घडला आहे. धक्काबुक्की झाल्याने सोमय्या यांनी पुण्यातील सर्व कार्यक्रम रद्द केले आहेत.गेल्या काही दिवसांपासून सोमय्या हे शिवसेनेने कोविड सेंटरमध्ये भ्रष्टाचार केल्याचा आरोप लावत आहेत. यासंदर्भात सोमय्या यांनी आज महानगरपालिकेत येण्याचे निश्चित केले होते .. मात्र यावेळी पुणे महापालिकेत झालेल्या भ्रष्टाचाराचे निवेदन स्वीकारावे, अशी मागणी करत शिवसेनेच्या पदाधिकाऱ्यांनी त्यांची वाट अडवली. यावेळी शिवसैनिकांनी प्रचंड गोंधळ घातला. झटापटीत किरीट सोमय्या चक्क पायऱ्यांवर कोसळले. अखेरीस त्यांना त्यांच्या रक्षकांनी तेथून घेऊन बाहेर जाणे पत्करले. पहा व्हिडीओ….