पुणे- घरगुती गॅस सिलेंडर मधुन गॅस चोरी करून कमर्शियल सिलेंडर भरून ते विकणारे लोणीकाळभोर पोलिसांनी पकडले आणि १३५ सिलेंडर सह सुमारे सव्वादोन लाखाचा ऐवज जप्त केला आहे .

या संदर्भात पोलिसांनी सांगितले कि,’दि.१२/०३/२०२५ रोजी युनिट ६ कडील प्रभारी पोलीस निरीक्षक श्री. वाहिद पठाण व युनिट ६ कडील पथक असे लोणी काळभोर पो.स्टे. हद्दीत गस्त करीत असताना पोलीस अंमलदार शेखर काटे यांना गुप्त बातमीदारा मार्फत माहिती मिळाली की, महादेव मंदिरा जवळ, लोणी काळभोर, पुणे येथे एक इसम घरगुती गॅस सिलेंडर मधील गॅस पाईपचे सहाय्याने काढून तो लहान मोठ्या व कमर्शियल गॅस सिलेंडर मधे भरत आहे. अशी खात्रीशीर माहिती मिळाल्याने पुरवठा अधिकारी इम्रान मुलानी व पथक, लोणीकाळभोर पोलीस स्टेशन कडील स्टाफ यांचे सह सदर ठिकाणी छापा कारवाई केली असता त्याठिकाणी मदन माधव बामणे वय २० वर्षे रा. महादेव मंदिराजवळ, लोणी काळभोर, पुणे हा घरगुती गॅस सिलेंडर मधील गॅस पाईपचे सहाय्याने काढून तो लहान मोठ्या व कमर्शियल गॅससिलेंडर मधे भरत असताना मिळून आला आहे. सदर ठिकाणी वेग वेगळ्या कंपनीचे लहान मोठे व कमर्शियल गॅससिलेंडर एकूण १३५, इलेक्ट्रिक वजनकाटा, गॅस भरण्यासाठी लागणारे पाईप, नोजल असा एकूण ०२,१३,९५०/- रु. किमतीचा मुद्देमाल मिळून आला आहे.
सदर आरोपीता विरुद्ध लोणीकाळभोर पो.स्टे.गु.र.नं.१२५/२०२५ भा. न्या. सं. कलम २८७, २८८ सह जीवनावश्यक वस्तू कायदा, १९५५ चे कलम ३,७ अन्वये गुन्हा नोंद करण्यात आला असुन आरोपी व मुद्देमाल पुढील तपासकामी लोणी काळभोर पोलीस स्टेशन यांचे ताब्यात देण्यात आला आहे.
सदरची कामगीरी अपर पोलीस आयुक्त (गुन्हे) श्री. शैलेश बलकवडे, पोलीस उप-आयुक्त (गुन्हे) निखिल पिंगळे, सहा. पोलीस आयुक्त (गुन्हे २) श्री. राजेद्र मुळीक, यांचे मार्गदर्शनाखाली पोलीस निरीक्षक युनिट ६ गुन्हे शाखा, चे प्रभारी वाहिद पठाण, वरिष्ठ पोलीस निरीक्षक लोणीकाळभोर पो.स्टे. चे राजेंद्र पन्हाळे सहा. पोलीस निरीक्षक मदन कांबळे, पोलीस उप-निरीक्षक रामकृष्ण दळवी, पोलीस उप-निरीक्षक अनिल जाधव (लोणीकाळभोर पो.स्टे.) पोलीस अंमलदार बाळासाहेब सकटे, रमेश मेमाणे, नितीन मुंढे, कानिफनाथ कारखेले, सुहास तांबेकर, ऋषीकेश ताकवणे, सचिन पवार, ऋषीकेश व्यवहारे, शेखर काटे, गणेश डोंगरे, समीर पिलाने, नितीन धाडगे, बाळासाहेब तनपुरे, मपोअं. प्रतिक्षा पानसरे, किर्ती मांदळे, लोणीकाळभोर पो.स्टे. कडील पोलीस अंमलदार प्रदिप क्षीरसागर, अक्षय कटके, सचीन सोनवणे, बालाजी बांगर यांनी केली आहे.

भक्तिसुधा फाऊंडेशनच्या वतीने उर्जा’ : सन्मान भारतीय स्त्री आदर्शांचा सांगीतिक कार्यक्रम

पुणे : सीतामातेवरील बंदिश कमलसी कोमल कमल नयनसी  मिथिला किशोरी जनक नंदिनी, स्वातंत्र्यवीर सावरकरांच्या पत्नी यमुनाबाई यांच्यावरील माई सांगिनी विनायकी ही बंदिश. राजमाता जिजाबाई यांच्यावरील बंदिश जय जय जिजाऊ…अशा विविध शास्त्रीय बंदिशींच्या माध्यमातून भारतीय संस्कृतीमध्ये आजपर्यंत झालेल्या महान स्त्रियांमुळे संस्कृतीला मिळालेल्या भक्ती, शक्ती, शौर्य, मातृत्व, त्याग आदी विविध गुणांचे दर्शन गायिकांनी उलगडून दाखवले

भक्तिसुधा फाऊंडेशनच्या वतीने आयोजित ‘ऊर्जा – सन्मान भारतीय स्त्री आदर्शांचा’ या कार्यक्रमाचे आयोजन कोथरुडच्या बाल शिक्षण मंदिर येथे करण्यात आले होते. यावेळी ज्येष्ठ गायिका निर्मला गोगटे,  खासदार डॉ. मेधा कुलकर्णी, सुशील ओक, पं.सुहास व्यास, विदुषी माधुरी डोंगरे, विदुषी मंजिरी कर्वे-आलेगावकर, डॉ. शुभांगी बहुलीकर, अपर्णा केळकर, शेखर कुंभोजकर, पं. विकास पुरंदरे उपस्थित होते.

‘शास्त्रीय बंदिशी द्वारा देवी सीतामाता, संत मुक्ताबाई, संत मीराबाई, राजमाता जिजाबाई, पुण्यश्लोक अहिल्याबाई होळकर, झाशीची राणी, यमुनाबाई सावरकर अशा महान व्यक्तिमत्वांच्या  त्याग, तपस्या, भक्ती, शौर्य, मातृत्व, शक्ती अशा गुणांचा परिचय झाला. भारतमातेवरील विशेष बंदिश या कार्यक्रमात सादर करण्यात आली.

भारतीय संस्कृतीमधील स्त्रियांचे योगदान, त्यांनी दाखवून दिलेला पराक्रम आणि त्यांचा समाजमनावर झालेला परिणाम हे या बंदिशीच्या माध्यमातून रसिकांना अनुभवायला मिळाले.   संत मीराबाई यांची श्रीकृष्णावरील भक्ती, राजमाता जिजाऊ यांनी आपल्या संस्कारातून छत्रपती शिवाजी महाराज यांना दिलेली शक्ती, स्वातंत्र्यवीर सावरकर यांच्या पत्नी यमुनाबाई सावरकर यांनी केलेला त्याग या गुणांना अनुभवताना रसिकांच्या डोळ्यात अक्षरशः पाणी तरळले.

संगीतकार आशिष केसकर यांच्या मार्गदर्शनात या संपूर्ण कार्यक्रमाची मांडणी केली गेली.   बंदिशींची रचना आणि सादरीकरण संगीतभूषण पं. राम मराठे यांच्या तिसऱ्या पिढीतील गायिका पल्लवी पोटे, मृणाल भिडे, प्राजक्ता मराठे व श्रुती विश्वकर्मा-मराठे यांनी केली. तबल्याची साथ सावनी तळवलकर व हार्मोनियमची साथ सुप्रिया जोशी यांनी केली. कीर्तनकार मानसी बडवे यांनी सूत्रसंचालन केले तर आदिती केसकर यांनी निवेदन केले.

पुणेकरांचे कधीही प्रेम करू शकत नाही – अशोक सराफ

पुणे : महाराष्ट्राचे पहिले मुख्यमंत्री यशवंतराव चव्हाण अशा थोर व्यक्तीच्या नावाने मला पुरस्कार मिळाला, हे माझे भाग्यच आहे. पुणेकरांनी आजपर्यंत मला भरभरून प्रेम दिले आहे, त्यांचे हे प्रेम मी कधीही विसरू शकणार नाही. मला मिळालेले पुरस्कार मी जपून ठेवले असून ते मला सतत ऊर्जा देणारे आहेत, अशी भावना ज्येष्ठ अभिनेते अशोक सराफ यांनी व्यक्त केली.
स्व. प्रकाश ढेरे चॅरिटेबल ट्रस्ट व गंगालॉज मित्र मंडळातर्फे पहिले मुख्यमंत्री, लोकनेते स्व. यशवंतराव चव्हाण यांच्या जयंतीनिमित्त यशवंतराव चव्हाण कला व साहित्य पुरस्कार समारंभात कै. प्रकाश ढेरे स्मृत्यर्थ ‘कला जीवनगौरव पुरस्कार’ ज्येष्ठ मराठी अभिनेते अशोक सराफ यांना जेष्ठ अभिनेते डॉ. मोहन आगाशे यांच्या हस्ते टिळक स्मारक मंदिरात प्रदान करण्यात आला. यावेळी ते बोलत होते. यावेळी प्रमुख पाहुणे म्हणून प्रसिद्ध दिग्दर्शक व अभिनेते नागराज मुंजुळे उपस्थित होते.
याप्रसंगी सुनिता झाडे (नागपूर) यांना ‘शब्दांच्या पसाऱ्यातील आत्महत्या’ या कविता संग्रहासाठी कै. शिवाजीराव अमृतराव ढेरे यांच्या स्मृत्यर्थ ‘साहित्य पुरस्कार’, फेलिक्स डिसोजा (वसई) यांना
आरशात ऐकु येणार प्रेम या कविता संग्रहासाठी कै. बाबासाहेब जाधव यांच्या स्मृत्यर्थ साहित्य पुरस्कार, सफर अली इसफ (वैभववाडी) यांना ‘अल्लाद ईश्वर’ कवितासंग्रहासाठी कै. धनाजी जाधव स्मृत्यर्थ ‘साहित्य पुरस्काराने सन्मानित करण्यात आले.जेष्ठ कवी डॉ. विठ्ठल वाघ, ज्येष्ठ कवी व वात्रटिकाकार रामदास फुटाणे, जेष्ठ लेखक व कवी प्रा. फ.मु. शिंदे, अशोक नायगावकर , ट्रस्टचे विजय ढेरे, संजय ढेरे, ज्येष्ठ नेते उल्हास पवार, गौरव फुटाणे, सचिन जाधव, कुणाल जाधव आदी यावेळी उपस्थित होते.
पुरस्काराला उत्तर देताना अशोक सराफ म्हणाले, थोर व्यक्तीच्या नावाने मला पुरस्कार देण्यात आला. पुरस्कार माझा सन्मान आहे, प्रेम मी विसरणार नाही. स्व. प्रकाश ढेरे चॅरिटेबल ट्रस्टचा ऋणी आहे. पुणेकरांनी नेहमीच माझे कौतुक केले याचेही यावेळी त्यांनी नमूद केले.
डॉ. मोहन आगाशे म्हणाले, अशोक सराफ हा कलाकार तळागाळात मिसळणारा आहे. त्यांच्यात बडेजावपणा, इगो अजिबात नाही. कधीही केव्हाही भेटणारा साधा सरळ हा माणूस आहे. साध्या सरळ माणसाला हा पुरस्कार मिळाल्याने खरोखर आनंद आहे.
नागराज मुंजुळे म्हणाले, अशोक मामाच्या साध्या आणि सरळ स्वभावामुळे मीच नव्हे तर अख्खा महाराष्ट्र त्यांचा चाहता आहे. हा माणूस आभाळासारखा आहे. कारण मी त्यांना अनुभवलं आहे. मी काहीही नसताना त्यांचा बाईट घेण्यासाठी गेलो असता, कुठून आला, कोण आहेस असे कोणतेही आढेवेढे न घेता माझ्या खांद्यावर हात ठेवून मला पहिला बाईट दिला. हा माणूस चित्रपट क्षेत्रातलाच नव्हे तर खऱ्या जीवनातला देखील हिरो आहे, सही यावेळी त्यांनी सांगितले.
ज्येष्ठ कवी रामदास फुटाणे यांनी प्रास्ताविक केले. ते म्हणाले, ढेरे व जाधव परिवाराने गेली 39 वर्षे कार्यक्रमातून यशवंतराव चव्हाण यांच्या स्मृती जतन ठेवल्या आहेत. यशवंतराव चव्हाण यांचा संस्कृतपणा आणि राजकारण पुढे घेऊन जायचे आहे. सध्याची महाराष्ट्राच्या राजकारणातील सुसंस्कृतपणा हरवत चाललेला आहे. महाराष्ट्राचा सुसंस्कृतपणा जोपासण्याचे आपले सर्वांचे काम आहे. यशवंतरावाचा सुसंस्कृतपणा ढेरे-जाधव परिवार जोपासत आहे कौतुकास्पद आहे. या कार्यक्रमाचे सूत्रसंचालन स्नेहल दामले यांनी केले .
तीन पुरस्कार विजेते कवींसह अंजली कुलकर्णी, प्रकाश होळकर, कल्पना दुधाळ, मृणालिनी कानिटकर, अनिल दीक्षित, बालिका विखले, वैशाली पतंगे, शशिकांत तिरोडकर, नितीन देशमुख, गुंजन पाटील यांनी सहभाग घेतला होता. ज्येष्ठ कवी रामदास फुटाणे, प्रा. फ. मुं. शिंदे व अशोक नायगावकर यांनी कवि संमेलनाचे सूत्रसंचालन केले. यावेळी राजकारण, समाजातील व्यथा कवितेतून केले. तसेच आपल्या खास भाषेतून कविता सादर करुन श्रोत्यांची मने जिंकली.
गझल, प्रेमगीते, राजकरण्यांवर विडंबन कविता सादर करत उत्तोरात्तर संमेलन रंगत गेले. त्याचबरोबर कवि रामदास फुटाणे व अशोक नायगावकर यांच्या खास शैलीतील किस्यात श्रोते मंत्रमुग्ध झाले होते.
कवीनीं श्रोत्यांची वाहवा मिळविली. कवि डॉ. विठ्ठल वाघ यांनी कार्यक्रमाचा समारोप केला. या कवी संमेलनास विविध क्षेत्रातील मान्यवरांनी उपस्थित राहून कवितेचा आस्वाद घेतला

सायलेन्सर विक्री करणाऱ्या व बसविणाऱ्या गॅरेज मालकांवरही कारवाई करणार

पुणे शहर वाहतूक शाखेकडुन बुलेट मॉडिफाय सायलेन्सर च्या कर्कष आवाजाच्या बाईक सायलेन्सर वर सर्जिकल स्ट्राईक करून “बुलेट सायलेन्सर विशेष मोहिमे” अंतर्गत सुमारे १७६८ बुलेट मॉडिफाय सायलेन्सरवर बुलडोझर फिरवला आहे.
पोलीस आयुक्त, श्री अमितेश कुमार यांनी दिलेल्या आदेशाने व सह पोलीस आयुक्तरंजनकुमार शर्मा व अपर पोलीस आयुक्त, पुर्व प्रादेशिक विभाग मनोज पाटिल यांचे मार्गदर्शनाखाली पुणे शहर वाहतूक शाखेकडुन बुलेट मॉडिफाय सायलेन्सर च्या कर्कष आवाजावर सर्जिकल स्ट्राईक करून “बुलेट सायलेन्सर विशेष मोहिमे” अंतर्गत कारवाई केलेल्या १७६८ मॉडिफाय सायलेन्सर जप्त करून त्यावर रोड रोलर फिरविण्यात आला आहे.
पुणे शहरातील बेशिस्त नागरिकांकडुन वाहतूकीचे नियमांचे उल्लंघन करण्याचे प्रकारांमध्ये बुलेट, दुचाकी वाहनास असलेल्या सायलेन्सरमध्ये फेरफार करून अथवा नवीन मॉडीफाय केलेला सायलेन्सर बसवुन सार्वजनिक रस्त्यावर, रहिवाशी भागात दिवसा / रात्री कर्कश आवाज करत भरधाव वेगाने बुलेट चालवून लोकांचे लक्ष वेधुन घेण्याचे प्रकार तरूणांमध्ये वाढत असल्याने त्यामुळे या कर्कश आवाजाने जेष्ठ नागरिक, महिला, शांतताप्रिय नागरिकांना त्रास होत होता. याबाबतच्या अनेक तक्रारी नागरिंकाकडुन प्राप्त झाल्याने अशा बेकायदेशीर सायलेन्सर बसविलेल्या दुचाकी वाहनांवर कठोर कारवाई करण्याबाबत सुचना मा. पोलीस आयुक्त, पुणे शहर यांनी दिल्या होत्या त्यानुसार वाहतूक शाखेकडील सर्व विभागांकडुन मोहिम राबविण्यात आली होती. तसेच बुलेट सायलेन्सर नियंत्रण ठेवण्यासाठी विशेष मोहीम राबविण्यात येत असुन सायलेन्सर विक्री करणाऱ्या व बसविणाऱ्या गॅरेज मालिकांवरही कारवाई करण्यात येणार आहे.

पुणे- महापालिकेची शिवसृष्टी चांदणी चौकात होऊ दिली नाही त्या ऐवजी सुरुवातीलाच करोडो रुपये देऊन आणि २१ एकराचा मोठा भूखंड शिवसृष्टीला मोठ्या मानाने सरकरने दिला , त्यानंतरही येथील कामकाजासाठी सरकारने कोरोडो रुपयांची माया खळखळतीच ठेवली, अजिबात नाही तर मुक्त हस्ताने उधळण केली आणि आता हि शिवसृष्टी पाहायला तब्बल ६०० रुपयांचे तिकीट लावले जात आहे काय आहे हे ? किती लुटमार ? आणि एवढे तिकीट ठेवले तर पाहायला जाणारा वर्ग कुठला असेल ? असे सवाल करत स्वराज्य पक्षाचे आशिष भोसले यांनी राज्य सरकार, महापालिका यांच्या सहित शिवसृष्टी चालविणाऱ्या मंडळावर टीकेचा भडीमार केला आहे.

आशिष भोसले म्हणाले कि,’1995 साली महाराष्ट्रात भाजपा-शिवसेनेचे युती सरकार आले. या सरकारने प्रतिष्ठानला नर्‍हे आंबेगाव (बु.) येथे 21 एकर जमीन दिली. शिवसृष्टीचा पहिला टप्पा पूर्ण झाला असून त्यासाठी सुमारे 50 कोटी रुपये खर्च झाले आहेत असे सांगण्यात येते .शिवसृष्टीतून खूप मोठ्या प्रमाणात प्रत्यक्ष आणि अप्रत्यक्ष स्वरूपाचा रोजगार उपलब्ध होणार,.जेव्हा महाराष्ट्र पर्यटन विकास महामंडळाकडे ‘मेगा टूरिझम प्रोजेक्ट’ सादर केला, तेव्हा किमान 300 लोकांना रोजगार उपलब्ध होईल हा एक निकष होता. तो पूर्ण होईल. त्याचप्रमाणे आसपासच्या परिसरात हॉटेल्स, लॉज, रिक्षा, टॅक्सी इत्यादींनाही व्यवसाय उपलब्ध होईल. शिवसृष्टी पूर्णपणे आकाराला येईल, तेव्हा प्रत्येक दालनाला स्वतंत्र व्यवस्थापन, तंत्रज्ञ असेल. ती गरज लक्षात घेऊन पुढील काळात आम्ही प्रशिक्षित व्यक्तींचा शोध घेऊ असे व्यवस्थापनाने सरकार ला सांगितले. 2006च्या विजयादशमीला या शिवसृष्टीचे भूमिपूजन झाले आणि 2007च्या वर्षप्रतिपदेला प्रत्यक्ष कामास सुरुवात झाली.  मागे सरकारनं या प्रकल्पाला मेगा प्रोजेक्ट म्हणून मान्यता देत ३०० कोटींची गुंतवणूक करायची घोषणा केलीय. दोन दिवसांपूर्वी अजित पवारांनी अर्थसंकल्पात सुद्धा 50 कोटींची तरतूद केली आहे अनेक उद्योजक,राजकीय नेते देणगी देतात तरीही नागरिकांना शिवसृष्टी पाहण्यासाठी 600/- रुपये प्रति व्यक्ती असा दर लावला जातोय ही एक प्रकारे लूट आहे दरवेळी आंबेगाव बुद्रुक परिसरात राहणाऱ्या नागरिकांना शिवसृष्टीत येणाऱ्या राजकीय नेत्यांच्या स्वागतावेळी पोलीस कर्मचारी वेठीस धरून दुकाने बंद ठेवायला भाग पाडतात, वाहने थांबवून ठेवतात, रस्त्यांवरील खड्डे बुजवून तात्पुरत्या स्वरूपात डांबरीकरण करतात म्हणजे याचा अर्थ असा का शिवसृष्टी मंडळाच्या लोकांवर सरकार आणि महानगरपालिका कार्यरत आहे.

पुणे -पुणे पोलिसांनी एकूण १६लाख ८० हजार रुपये किंमतीचा २८ किलो गांजा मुंढवा पोलीस ठाणे हद्दीत पकडला . या संदर्भात पोलिसांनी सांगितले कि,’
दि.११/०३/२०२५ रोजी अंमली पदार्थ विरोधी पथक २, गुन्हे शाखा, पुणे शहर चे पोलीस निरीक्षक सुदर्शन गायकवाड, सहा. पोलीस निरीक्षक नितीनकुमार नाईक व स्टाफ असे मुंढवा पोलीस स्टेशनचे हद्दीत पेट्रोलींग करीत असताना पोलीस अंमलदार आझाद पाटील यांना मिळालेले बातमीवरुन मुंढवा कोरेगांव पार्क रोडने शहा यांचा मोकळा प्लॉट, मुंढवा पुणे येथे इसम नामे १) प्रमोद सुधाकर कांबळे, वय ४४ वर्षे रा किल्ला वेस, करमाळा सोलापुर पुणे २) विशाल दत्ता पारखे वय ४१ वर्षे रा प्लॅट नं ६, मोहन नगर, आदित्य सोसा. विश्रांतवाडी पुणे यांच्या ताब्यात एकुण १६,८०,०००/- रु.कि. चा गांजा हा अंमली पदार्थ तसेच इतर ऐवज जप्त करून त्याचे विरुध्द मुंढवा पोस्टें गु.र.नं. ७७/२०२५, एन.डी.पी.एस. अॅक्ट कलम ८ (क), २० (ब) (ii) (क) २९ प्रमाणे गुन्हा दाखल करण्यात आला आहे.
वरील नमुद कारवाई ही पोलीस आयुक्तअमितेश कुमार, पोलीस सह आयुक्त रंजनकुमार शर्मा,अपर पोलीस आयुक्त, गुन्हे शैलेश बलकवडे, मा. पोलीस उप-आयुक्त, गुन्हे, निखील पिंगळे, सहा पोलीस आयुक्त, गुन्हे. २, राजेंद्र मुळीक यांचे मार्गदर्शनाखाली अंमली पदार्थ विरोधी पथक २, गुन्हे शाखा, पुणे शहर कडील पोलीस निरीक्षक सुदर्शन गायकवाड, सहा. पोलीस निरीक्षक नितीनकुमार नाईक, पोलीस अंमलदार आझाद पाटील, मयुर सुर्यवंशी, संदिप जाधव, संदिप शेळके, योगेश मांढरे, युवराज कांबळे, चेतन गायकवाड, रविंद्र रोकडे, दिनेश बास्टेवाड, दिशा खेवलकर यांनी केली.

पुणे-वंदे मातरम संघटनेच्या वतीने गेल्या १५ वर्षांपासून जात, धर्म, पंथ भेदभाव न करता भारतीय एकात्मतेची होळी साजरी केली जाते.स्वारगेट बस स्थानकातील शिवशाही बसमधील अमानुष घटनेच्या निषेधार्थ आणि दत्ता गाडेला फाशी व संतोष देशमुख यांना न्याय मिळावा तसेच त्यांच्या हत्येतील वाल्मीक कराड व सर्व आरोपींना लवकरात लवकर फाशी देण्यात यावी. या मागण्यांसाठी होळी दहन करण्यात आले.

या आंदोलनात भूमाता ब्रिगेडच्या अध्यक्षा तृप्ती देसाई, वंदे मातरम संघटनेचे प्रदेशाध्यक्ष सचिन जामगे, पुणे शहर अध्यक्ष अमोल जगताप, कार्याध्यक्ष मोहित काकडे, समन्वयक महेश बाटले, आयटी सेल अध्यक्ष विशाल शिंदे तसेच राज घाटे, प्रसाद कुलकर्णी, ऋषभ देशपांडे, हेमंत कुंभार, किरण केकाने, आदित्य मुंगळे, आकाश जामगे, तुषार गिरी यांसह मोठ्या संख्येने पदाधिकारी व कार्यकर्ते उपस्थित होते.

ही होळी महिलांच्या व शालेय विद्यार्थिनींच्या हस्ते दहन करून समाजात सुरक्षिततेचा संदेश देण्यात आला.